തിരുവനന്തപുരം: ഇന്ത്യന് അതിര്ത്തി കടന്ന് നിരവധി ആള്ക്കാരെ നിഷ്ക്കരുണം കൊലപ്പെടുത്തി നിരന്തരമായ ഭീകരാക്രമണം പാകിസ്ഥാന് തുടര്ന്നു കൊണ്ടേയിരിക്കുന്നതിനാല് ഭീകരവാദി ബില് അത്യാന്താപേക്ഷിതമാണെന്ന് എന്ഡിഎ കേരള ഉപാദ്ധ്യക്ഷന് രാജീവ് ചന്ദ്രശേഖര് എംപി. ഉറിയില് നടന്ന ഭീകരാക്രമണത്തില് മാത്രം 19 ജീവനുകള് നഷ്ടപ്പെട്ടു.
ദശകങ്ങളായി പാകിസ്ഥാന് പ്രോത്സാഹിപ്പിച്ചു കൊണ്ടിരിക്കുന്ന ഭീകരവാദ പ്രവര്ത്തനങ്ങളുടെ പേരില് ആ രാജ്യത്തെ അങ്ങനെ തന്നെ അറിയപ്പെടണം. അതിനാലാണ് ഭീകരവാദങ്ങളെ പ്രോത്സാഹിപ്പിക്കുന്ന രാജ്യങ്ങളെ അങ്ങനെ പ്രഖ്യാപിക്കണമെന്നാവശ്യപ്പെട്ടുകൊണ്ട് രാജ്യസഭയില് താന് ബില് അവതരിപ്പിച്ചത്.
ഇന്ത്യയില് മാത്രമല്ല അഫ്ഗാനിസ്ഥാനിലും ബംഗ്ലാദേശിലുമടക്കം വിവിധ രാജ്യങ്ങളില് പാക്കിസ്ഥാന് ഭീകരവാദ പ്രവര്ത്തനങ്ങള് പ്രോത്സാഹിപ്പിക്കുന്നു. നിരപരാധികളായ നിരവധിപേരുടെ ജീവിതം ഒടുക്കുന്നതിനും കാരണക്കാരായ പാകിസ്ഥാന് കണക്കുപറയേണ്ട സമയമായെന്നും രാജീവ് ചന്ദ്രശേഖര് അറിയിച്ചു. ബില്ലിന്മേലുള്ള ചര്ച്ച രാജ്യസഭയില് ആരംഭിച്ചു.
