കണ്ണൂര്: സംസ്ഥാന സ്കൂള് കലോത്സവത്തില് പങ്കെടുത്ത് മടങ്ങിയ പ്ലസ് ടു വിദ്യാര്ത്ഥിയെയും സഹോദരനെയും പോലീസ് ക്വാര്ട്ടേഴ്സിന്റെ ചുമരില് മുത്രമൊഴിച്ചെന്നാരോപിച്ച് പോലീസ് തല്ലിയ സംഭവത്തില് സംസ്ഥാന മനുഷ്യാവകാശ കമ്മീഷന് സ്വമേധയാ കേസെടുത്തു. കമ്മീഷന് ആക്റ്റിംഗ് ചെയര്പേഴ്സന് പി.മോഹനദാസാണ് കേസെടുത്തത്. കണ്ണൂര് ജില്ലാ പോലീസ് മേധാവി സംഭവത്തില് പ്രാഥമിക അന്വേഷണം നടത്തി കുറ്റക്കാരെന്ന് കാണുന്ന ഉദ്യോഗസ്ഥരെ അന്വേഷണ ഘട്ടത്തില് തന്നെ സസ്പെന്റ് ചെയ്യണമെന് കമ്മീഷന് ഇടക്കാല ഉത്തരവില് പറഞ്ഞു. ഒരു മാസത്തിനകം അന്വേഷണ റിപ്പോര്ട്ട് സമര്പ്പിക്കണം. ഫെബ്രുവരിയില് കണ്ണൂരില് നടക്കുന്ന സിറ്റിംഗില് പരിഗണിക്കും. നിയമം പരിപാലിക്കേണ്ടവര് തന്നെ നിയമം കൈയിലെടുക്കുന്നത് ശരിയല്ലെന്ന് കമ്മീഷന് ഉത്തരവില് പറഞ്ഞു. പോലീസിന് ശിക്ഷ വിധിക്കാന് അധികാരമില്ലെന്നും പി.മോഹനദാസ് ഉത്തരവില് പറഞ്ഞു.
പോലീസ് മര്ദ്ദനം: മനുഷ്യാവകാശ കമ്മീഷന് കേസെടുത്തു
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.