മട്ടന്നൂര്: ഫ്രെയിം മേക്കേര്സിന്റെ ബാനറില് ഗൗതം പ്രദീപ് രചനയും സംവിധാനവും നിര്വ്വഹിച്ച ടെലിഫിലിമിന്റെ പ്രദര്ശനം ഇന്ന് വൈകുന്നേരം 5മണിക്ക് മട്ടന്നൂര് പി.പി. ഗോവിന്ദന് സ്മാരക ഹാളില് നടക്കുമെന്ന് ഭാരവാഹികള് വാര്ത്താസമ്മേളനത്തില് അറിയിച്ചു. പ്രദര്ശനത്തിന്റെ ഉദ്ഘാടനം ചലച്ചിത്ര സംവിധായകന് സലീം അഹമ്മദ് നിര്വ്വഹിക്കും. ചലച്ചിത്രതാരം സന്തോഷ് കിഴാറ്റൂര്, ശിവദാസ് മട്ടന്നൂര്, സുശീല് കുമാര് തിരുവങ്ങാട്, ചലച്ചിത്ര സംവിധായകന് തോമസ് ദേവസ്യ എന്നിവര് പങ്കെടുക്കും.
ആനന്ദ് ജോര്ജ്, മുരളി വായാട്ട്, സുര്ജിത്ത് പുരോഹിത്, വി.അക്ഷയ എന്നിവരാണ് പ്രധാന കഥാപാത്രങ്ങളെ അവതരിപ്പിക്കുന്നത്. പ്രണയ വിവാഹത്തിനുമുമ്പ് ജീവിതത്തിന്റെ വന്ന വഴികളിലേക്കുള്ള തിരിഞ്ഞുനോട്ടമാണ് 30 മിനുട്ട് ദൈര്ഘ്യമുള്ള ടെലിഫിലിമിന്റെ ഇതിവൃത്തം. വാര്ത്താസമ്മേളനത്തില് സംവിധായകന് ഗൗതം പ്രദീപ്, റിനീഷ് വിജയ്, ഷിബു ആന്റണി, അല്യാ സാഹ്ബിന് മുസ്തഫ, ജനാര്ദ്ദനന് പാറക്കല്, മുരളി വായാട്ട് എന്നിവര് പങ്കെടുത്തു.
