തിരുവനന്തപുരം: സ്വാമി വിവേകാനന്ദന്റെ 154-ാമത് ജയന്തിയോടനുബന്ധിച്ച് രാജീവ് ഇരിങ്ങാലക്കുട രചിച്ച സ്വാമി വിവേകാനന്ദന് എന്ന പുസ്തകത്തിന്റെ പ്രകാശനം പ്രഭാഷകനും സാഹിത്യകാരനുമായ ഡോ.കെ. മഹേശ്വരന്നായര് നിര്വഹിച്ചു. സ്വാമി വിവേകാനന്ദനെപ്പോലെ ഭാരതത്തെക്കുറിച്ച് ഇതുവരെ ആരും പഠനം നടത്തിയിട്ടില്ലെന്ന് അദ്ദേഹം പറഞ്ഞു. സ്വാമി വിവേകാനന്ദന്റെ കൃതികളിലൂടെ ഭാരതത്തെയും ഋഷിമാരുടെ സംഭാവനകളെയും അറിയായാകും. ഭാരതത്തിന്റെ ഭാവി പുതിയ ദിശയിലേക്ക് നയിക്കാന് സ്വാമി വിവേകാനന്ദനായെന്നും അദ്ദേഹം പറഞ്ഞു.
വൈലോപ്പിള്ളി സംസ്കൃതി ഭവനില് നടന്നചടങ്ങില് ഭാഷാ ഇന്സ്റ്റിറ്റ്യൂട്ട് അസിസ്റ്റന്റ് ഡയറക്ടര് എന്. ജയകൃഷ്ണന്, രാജീവ് ഇരിങ്ങാലക്കുട എന്നിവര് സംസാരിച്ചു. ഭാഷാ ഇന്സ്റ്റിറ്റ്യൂട്ടാണ് പുസ്തകം പ്രസിദ്ധീകരിച്ചത്.
