പള്ളിപ്പുറം: തിരുവാതിര ഉത്സവം ആഘോഷിക്കുന്ന പള്ളിപ്പുറം തിരു ഐരാണിക്കുളം കളത്തില് ക്ഷേത്രത്തില് ബുധനാഴ്ച 101 വനിതകളുടെ തിരുവാതിരകളി നടക്കും.ദീപാരാധനക്ക് ശേഷമാണ് ചടങ്ങ്.പാതിരാപൂവ് ചൂടല് അടക്കമുള്ള ചടങ്ങുകളോടെ നടക്കുന്ന തിരുവാതിരകളി വ്യാഴാഴ്ച പുലര്ച്ചെ നടക്കുന്ന തിരുവാതിര ദര്ശനത്തോടെയാണ് സമാപിക്കുക.തിരുവാതിര വ്രതം അനുഷ്ഠിച്ച് ക്ഷേത്രത്തില് തിരുവാതിരകളിക്കെത്തുന്ന സ്ത്രീകള്ക്കൊപ്പം പാര്വ്വതീദേവിയും ചേരുന്നു എന്നാണ് വിശ്വാസം.
ബുനാഴ്ച രാവിലെ ക്ഷേത്രത്തില് ഭക്തജനക്കൂട്ടായ്മ വക പ്രഭാതഭക്ഷണംഉണ്ടാകും. 8ന് ശ്രീബലി,തൈക്കാട്ടുശ്ശേരി മനുവും പാര്ട്ടിയും നയിക്കുന്ന നാദസ്വരവും, പള്ളിപ്പുറം പി.ജി.ജയകുമാറിന്റെ നേതൃത്വത്തിലുള്ള പഞ്ചാരിമേളം. 12ന് കളഭാഭിഷേകം, തുടര്ന്ന് തിരുവാതിരക്കഞ്ഞിയും പുഴുക്കും പ്രസാദമൂട്ടായി നല്കും. വൈകിട്ട് 5ന് കാഴ്ചശ്രീബലി. പെരുവനം അനില്മാരാരുടെ പ്രമാണിത്വത്തില് പഞ്ചാരിമേളം നടക്കും.ദീപാരാധനക്ക് ശേഷം തുടങ്ങുന്ന തിരുവാതിരകളിക്കിടെ രാത്രി 10ന് തിരുവാതിരവിളക്കും നടക്കും. തിരുവാതിര വ്രതം അനുഷ്ഠിക്കുന്ന സ്ത്രീകള് വീടുകളില് നിന്ന് കൊണ്ടുവരുന്ന നിലവിളക്ക് ഉമാമഹേശ്വരന്മാരുടെ മുമ്പില് തെളിക്കുന്ന ചടങ്ങാണ് തിരുവാതിരവിളക്ക്.ചൊവ്വാഴ്ച രാത്രി ക്ഷേത്രത്തില് നിവേദിച്ച എട്ടങ്ങാടി നിവേദ്യവിതരണവും നടന്നു.
