ഡിവൈഎഫ്ഐക്കാര് നശിപ്പിച്ച ബിജെപി പ്രചാരണ ബോര്ഡ്
ആലപ്പുഴ: ചെഗുവേരയുടെ പേരില് ആലപ്പുഴ നഗരത്തില് കലാപത്തിന് ഡിവൈഎഫ്ഐ ശ്രമം. ചെഗുവേരയെ വിമര്ശിച്ചാല് കൈകാര്യം ചെയ്യുമെന്ന് ഭീഷണിപ്പെടുത്തി ഒരുകൂട്ടം ഡിവൈഎഫ്ഐക്കാര് നഗരത്തില് പ്രകടനം നടത്തുകയും ബിജെപി പ്രവര്ത്തകരെ അസഭ്യം പറയുകയും ചെയ്തു.
ഒരു വിഭാഗം പ്രവര്ത്തകര് ബിജെപിയുടെ ഫഌക്സ് ബോര്ഡുകള് വ്യാപകമായി നശിപ്പിച്ചു. സംസ്ഥാന ജനറല് സെക്രട്ടറി ശോഭാ സുരേന്ദ്രന് നയിക്കുന്ന പ്രചാരണ യാത്രയുമായി ബന്ധപ്പെട്ട് മുല്ലയ്ക്കലും പരിസരപ്രദേശങ്ങളിലും സ്ഥാപിച്ചിരുന്ന ഫഌക്സ് ബോര്ഡുകളാണ് വ്യാപകമായി നശിപ്പിച്ചത്. അത്യന്തം പ്രകോപന പരമായ മുദ്രാവാക്യങ്ങളായിരുന്നു പ്രകടനത്തില് പങ്കെടുത്തവര് മുഴക്കിയത്.
ഇന്നലെ വൈകിട്ടോടെയായിരുന്നു സംഭവം. ഏറെ നാളുകളായി രാഷ്ട്രീയ സംഘങ്ങളില്ലാത്ത ആലപ്പുഴയില് കലാപം സൃഷ്ടിക്കുകയെന്ന ലക്ഷ്യമായിരുന്നു ഡിവൈഎഫ്ഐയുടേത്. അതിനുകൂട്ടുപിടിച്ചതാകട്ടെ കലാപങ്ങള്ക്കു കുപ്രസിദ്ധി നേടിയ ചെഗുവേരയെയും.
കേരളത്തിന്റെ നവോത്ഥാന നായകന് ശ്രീനാരായണ ഗുരുവിനെ സിപിഎമ്മുകാര് കുരിശില് തറച്ചും തെരുവില് വലിച്ചിഴച്ചും അപമാനിച്ചപ്പോള് കണ്ടില്ലെന്ന് നടിച്ചവരാണ് ചെഗുവേരയെ വിമര്ശിച്ചതിന്റെ പേരില് അഴിഞ്ഞാടിയത്.
ഡിവൈഎഫ്ഐ അതിക്രമത്തില് പ്രതിഷേധിച്ച് ബിജെപി പ്രവര്ത്തകര് ആലപ്പുഴ നഗരത്തില് നടത്തിയ പ്രകടനം
ഡിവൈഎഫ്ഐ അക്രമത്തില് പ്രതിഷേധിച്ച് ബിജെപി പ്രവര്ത്തകര് നഗരത്തില് പ്രകടനം നടത്തി. ജില്ലാ സെക്രട്ടറി എല്.പി ജയചന്ദ്രന്, മണ്ഡലം പ്രസിഡന്റുമാരായ വി. ശ്രീജിത്ത്, വിനോദ് കുമാര്, നേതാക്കളായ കെ.പി. പരീക്ഷിത്ത്, രഞ്ജന് പൊന്നാട്, അനില് അമ്പലപ്പുഴ, ആര്. ഉണ്ണികൃഷ്ണന്, ആര്. കണ്ണന്, എ.ഡി. പ്രസാദ്കുമാര്, മോഹനന്, വി.സി. സാബു തുടങ്ങിയവര് നേതൃത്വം നല്കി.
