ലണ്ടന്: ലണ്ടന് തെരുവ് വീഥിയിലെ ആ കാഴ്ച ആരേയും അമ്പരപ്പിക്കും. കാഴ്ച എന്താണെന്നാകും നിങ്ങള് ചിന്തിക്കുന്നത്.
ലണ്ടനിലെ ഇസ്ലിംഗ്ടണിലെ റോഡരികില് നിര്ത്തിയിട്ടിരിക്കുന്ന ഇരുനില ബസ്, ആ ബസ്സില് ഒരു കുതിര കയറാന് ശ്രമിക്കുന്നു. ഒന്നുകൂടി സൂക്ഷിച്ച് നോക്കിയാല് ആ കാഴ്ച വീണ്ടും നമ്മളില് അത്ഭുതമുണ്ടാക്കും. യഥാര്ത്ഥത്തില് കുതിര ബസ്സില് വീണ് കിടക്കുന്ന യാത്രക്കാരനെ സഹായിക്കുകയായിരുന്നു. യാത്രക്കാരനെ പിന്നീട് ആശുപത്രിയിലേയ്ക്ക് മാറ്റുകയും ചെയ്തു.
അത്ഭുതകരമായ ആ കാഴ്ചയുടെ ചിത്രങ്ങള് സമൂഹമാധ്യമങ്ങളിലൂടെ ഷെയര് ചെയ്തത് സെന്റ്. ഹെലിയേറിലെ കോണ്സ്റ്റബിളായ സിമണ് ക്രോക്രോഫ്റ്റാണ്. യഥാര്ത്ഥത്തില് താന് ഈ വഴിക്ക് സഞ്ചരിക്കേണ്ട ആളല്ല. എന്നാല് ഇതിലെ വന്നതു കൊണ്ട് മാത്രമാണ് രസകരമായ കാഴ്ചയ്ക്ക് സാക്ഷിയാകാന് കഴിഞ്ഞത്- സിമണ് പറയുന്നു.
ചിത്രങ്ങള് പോസ്റ്റ് ചെയ്തതോടെ ‘ഇന്വിറ്റര്’ എന്ന പോലീസ് കുതിരയ്ക്ക് ട്വിറ്ററിലൂടെ അഭിനന്ദന പ്രവാഹമാണ്.
എന്തായാലും സിമണ് സന്തോഷവാനാണ്. യാത്രക്കാരന് രക്ഷപ്പെട്ടതിലും പോലീസുകാര് ചെയ്ത നല്ല കാര്യം ജനങ്ങളുടെ ശ്രദ്ധയില്പ്പെടുത്താന് സാധിച്ചതിലും.
https://twitter.com/SimonCrowcroft/status/816286291402887168
https://twitter.com/SimonCrowcroft/status/816362131381776384
