ബാഴ്സലോണ: സ്പാനിഷ് കോപ്പ ഡെല് റേ കപ്പില് കരുത്തരായ ബാഴ്സലോണ പ്രീ ക്വാര്ട്ടറില്. ഇരുപാദങ്ങൡലുമായി ഹെര്ക്കുലീസ് ക്ലബിനെ ഒന്നിനെതിരെ എട്ട് ഗോളുകള്ക്ക് തകര്ത്താണ് കറ്റാലന് പട അടുത്ത റൗണ്ടിലേക്ക് കുതിച്ചത്.ആദ്യ പാദത്തില് 1-1ന് സമനില പാലിച്ച ബാഴ്സലോണ രണ്ടാം പാദത്തില് മറുപടിയില്ലാത്ത 7 ഗോളുകള്ക്ക് അവരെ തോല്പ്പിച്ചു. അര്ദാന് തുറാന്റെ ഹാട്രിക്കാണ് കളിയിലെ സവിശേഷത.
55, 86, 89 മിനിറ്റുകളിലായിരുന്നു തുറാന് ഹാട്രിക്ക് നേടിയത്. 37-ാം ഡിഗ്നെയിലൂടെയാണ് ബാഴ്സ സ്കോറിങ്ങിന് തുടക്കമിട്ടത്. പിന്നീട് ആദ്യ പകുതി അവസാനിക്കുന്നതിന് തൊട്ടുമുന്പ് പെനാല്റ്റിയിലൂടെ ഇവാന് റാക്കിറ്റിക്ക് ലീഡ് ഉയര്ത്തി. 50-ാം മിനിറ്റില് റാഫീഞ്ഞോ, 73-ാം അല്കാസര് ഗാര്ഷ്യ എന്നിവരും ബാഴ്സക്കായി ഗോള് നേടി. മെസ്സി, സുവാരസ്, നെയ്മര് എന്നീ സൂപ്പര് താരങ്ങളെ പുറത്തിരുത്തിയാണ് ബാഴ്സ കളിക്കാനിറങ്ങിയത്.
ലഗാനസിനെ ഇരുപാദങ്ങളിലുമായി 5-2ന് വലന്സിയയും മുന്നേറിയിട്ടുണ്ട്. സ്പോര്ട്ടിങ്ങ് ഗിജോണിനെ (ഇരുപാദങ്ങളിലായി 5-2) പരാജയപ്പെടുത്തി ഐബറും ഫോര്മെന്റേറയെ (14-2)ന് തകര്ത്ത് സെവിയയും റയല് ബെറ്റിസിനെ (3-2) കീഴടക്കി ഡിപോര്ട്ടീവോ ലാ കൊരൂണയും ഗ്രനാഡയെ (2-1) പരാജയപ്പെടുത്തി ഒസാസുനയും അവസാന 16-ല് ഇടംപിടിച്ചു.
