പുന്നപ്ര: കള്ളില് മായം ചേര്ക്കുകയും പരിശോധനയില് തെളിയുകയും ചെയ്തതിന്റെ ഫലമായി എക്സൈസ് – പോലീസ് റിപ്പോര്ട്ടിന്റെ അടിസ്ഥാനത്തില് ജില്ലാഭരണകൂടം അടപ്പിച്ച കള്ളുഷാപ്പ് വീണ്ടും പ്രവര്ത്തിപ്പിക്കാന് നീക്കം. ഇതിനെതിരെ പ്രക്ഷേഭം സംഘടിപ്പിക്കുമെന്ന് ഗാന്ധിയന് ദര്ശനവേദി വ്യക്തമാക്കി. ഏതാനും വര്ഷങ്ങളായി പ്രവര്ത്തനം ഇല്ലാതിരുന്ന പുന്നപ്ര ചന്തയ്ക്ക് പടിഞ്ഞാറ് വശമുള്ള കള്ളുഷാപ്പിന് ലൈസന്സ് നല്കാനുള്ള നീക്കത്തില് നിന്നു ബന്ധപ്പെട്ടവര് പിന്തിരിയണമെന്ന് ഗാന്ധിയന് ദര്ശനവേദി നേതൃയോഗം ആവശ്യപ്പെട്ടു.
പ്രവര്ത്തനം തുടങ്ങാന് ഉദ്ദേശിക്കുന്ന കള്ളുഷാപ്പിന് സമീപത്തായി വിവിധ സമുദായങ്ങളുടെ ആരാധനാലയങ്ങള്, നിരവധി വിദ്യാലയങ്ങള്, ആശുപത്രികള്, സര്ക്കാര് ഓഫീസുകള്, അഗതി – ആതുര ശുശ്രൂഷ കേന്ദ്രങ്ങള് തുടങ്ങി നിരവധി സ്ഥാപനങ്ങള് പ്രവര്ത്തിക്കുന്നു. ചന്തയില് നിന്ന് പടിഞ്ഞാറ് ഭാഗത്തേക്ക് പോകേണ്ടവര്ക്കുള്ള പ്രധാന റോഡിന് അഭിമുഖമായിട്ടാണ് കള്ളുഷാപ്പ് സ്ഥിതിചെയ്യുന്നത്. വഴിയാത്രക്കാരായ സ്ത്രീകള്ക്കും കുട്ടികള്ക്കും പലപ്പോഴും ബുദ്ധിമുട്ട് ഉണ്ടാക്കുന്ന സാഹചര്യങ്ങള് മുമ്പ് ഷാപ്പ് പ്രവര്ത്തിച്ച സമയത്ത് ഉണ്ടായിട്ടുണ്ട്.
പൊതുവികാരം മാനിക്കാതെ ഷാപ്പ് പ്രവര്ത്തിപ്പിക്കുവാന് അനുവാദം നല്കിയാല് ശക്തമായ സമരപരിപാടികള് ആരംഭിക്കുമെന്ന് നേതൃയോഗം ഉദ്ഘാടനം ചെയ്ത് ഗാന്ധിയന് ദര്ശനവേദി ചെയര്മാന് ബേബി പാറക്കാടന് പറഞ്ഞു. പി.ജെ. കുര്യന് അദ്ധ്യക്ഷത വഹിച്ചു.
