മട്ടന്നൂര്: ജീവനക്കാരനെ കഴിഞ്ഞ പോലീസ് മര്ദ്ദിച്ചതിനെ തുടര്ന്ന് മട്ടന്നൂരില് സ്വകാര്യ ബസ്സുകള് പണിമുടക്കി. തലശ്ശേരി-മട്ടന്നൂര്-ഇരിട്ടി റൂട്ടില് സര്വ്വീസ് നടത്തുന്ന വികാസ് ബസ്സിലെ ക്ലീനറും ബിഎംഎസ് അംഗവുമായ പെരുന്താറ്റില് പുനത്തില്ക്കണ്ടി വീട്ടില് സുധീഷ് (36)നെയാണ് ഇതേ ബസ്സില് സഞ്ചരിക്കുകയായിരുന്ന മഫ്ടിയിലുള്ള പോലീസുകാരന് മര്ദ്ദിച്ചത്. സുധീഷിനെ കൂത്തുപറമ്പ് ഗവ.ആശുപത്രിയില് പ്രവേശിപ്പിച്ചിരിക്കുകയാണ്. ചൊവ്വാഴ്ച വൈകുന്നേരമാണ് സംഭവം. ബസ് സര്വ്വീസ് നടത്തവെ മട്ടന്നൂരിനടുത്ത നെടുവട്ടംകുന്നില് വെച്ച് തലശ്ശേരി കോടതിയില്നിന്ന് വാറന്റുമായി വരികയായിരുന്ന മട്ടന്നൂര് പോലീസ് സ്റ്റേഷനിലെ കോടതി ചാര്ജ്ജുള്ള പോലീസുകാരന് കണ്ണൂര് സ്വദേശി സി.അനീഷ് മര്ദ്ദിക്കുകയായിരുന്നു. ക്ലീനര് മര്ച്ചു എന്നാരോപിച്ച് പോലീസുകാരനെ മട്ടന്നൂര് ഗവ.ആശുപത്രിയില് പ്രവേശിപ്പിച്ചു. ബസ് ജീവനക്കാരനെ മര്ദ്ദിച്ചതിനെ തുടര്ന്ന് ഇരിട്ടി-മട്ടന്നൂര്-തലശ്ശേരി റൂട്ടിലും ഇരിട്ടി-മട്ടന്നൂര് കണ്ണൂര് റൂട്ടിലും ഇന്നലെ രാവിലെ മുതല് സ്വകാര്യ ബസ്സുകള് പണിമുടക്കുകയായിരുന്നു.
ബസ്സ് ജീവനക്കാരനെ പോലീസ് മര്ദ്ദിച്ച സംഭവം: സ്വകാര്യ ബസ്സുകള് പണിമുടക്കി
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.