അമ്പലപ്പുഴ: വൃദ്ധ മാതാവിനൊപ്പം ആശുപത്രിയില് എത്തിയ വീട്ടമ്മയുടെ മൂന്നു പവന്റെ മാല കവര്ന്നു. പുന്നപ്ര വടക്കു പഞ്ചായത്ത് മൂന്നാം വാര്ഡ് വാടയ്ക്കല് നടീപറമ്പ് വീട്ടില് ജോണ്കുട്ടിയുടെ ഭാര്യ റോസമ്മയുടെ മാലയാണ് നഷ്ടപ്പെട്ടത്. ബുധനാഴ്ച പകല് പതിനൊന്നരയോടെ വണ്ടാനം മെഡിക്കല് കോളേജ് ആശുപത്രിയിലായിരുന്നു സംഭവം. കണ്ണിന്റെ ശസ്ത്രക്രിയ കഴിഞ്ഞ ജോണ് കുട്ടിയുടെ അമ്മ റോസ്ലി(80)നെ ഡോക്ടറെ കാണിക്കുന്നതിനാണ് റോസമ്മ ആശുപത്രിയില് എത്തിയത്. ഒപി ചീട്ട് കൗണ്ടറില് ഏറെ തിരക്കുണ്ടായിരുന്നതായി ഇവര് പറഞ്ഞു. ചീട്ട് എടുത്ത് ഒഫ്ത്താല്മോളജി ഡോക്ടറെ കാണുന്നതിനായി നില്ക്കുമ്പോള് സമീപവാസിയായ മറ്റൊരു സ്ത്രീ എത്തി കഴുത്തില് മാലയില്ലെന്ന വിവരം അറിയിക്കുകയായിരുന്നു. തുടര്ന്ന് ആശുപത്രി എയ്ഡ്പോസ്റ്റിലും പിന്നീട് അമ്പലപ്പുഴ സ്റ്റേഷനിലും പരാതി നല്കി.
ആശുപത്രിയില് വീട്ടമ്മയുടെ മാല കവര്ന്നു
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.