അത്ലറ്റികോ താരങ്ങള് പരിശീലനത്തില്
കൊല്ക്കത്ത: പ്ലേ ഓഫില് പ്രവേശിക്കാതെ നേരത്തെ തന്നെ പുറത്തായ പൂനെ സിറ്റി എഫ്സി ഇന്ന് അവസാന പോരാട്ടത്തിനായി കളത്തില്. എതിരാളികള് പ്ലേ ഓഫി ഇടംപിടിച്ച അത്ലറ്റികോ ഡി കൊല്ക്കത്ത.
കോച്ച് അന്റോണിയോ ഹെബ്ബാസിന്റെ കീഴില് അവസാന മത്സരമാണ് ഇന്ന് പൂനെക്ക്. അത്ലറ്റിക്കോ ഡി കൊല്ക്കത്തയെ ആദ്യ സീസണില് കീരീടത്തിലേക്കു നയിച്ച ഹബാസിനു കഴിഞ്ഞ സീസണില് കൊല്ക്കത്തയെ സെമിഫൈനല് വരെ കൊണ്ടുചെന്നേത്തിക്കുവാനും കഴിഞ്ഞിരുന്നു. എന്നാല് ഇത്തവണ ഹെബ്ബാസിന് പിഴച്ചു. ടീമിനെ പ്ലേ ഓഫിലെത്തിക്കാന് കഴിയാതെയാണ് ഹെബ്ബാസ് മടക്കത്തിന് തയ്യാറെടുക്കുന്നത്. 13 മത്സരങ്ങളില് നിന്നും നാല്— ജയം, മൂന്നു സമനില, ആറ് തോല്വിയുമടക്കം 15 പോയിന്റുമായി ആറാം സ്ഥാനത്താണ്.
13 മത്സരങ്ങളില് നിന്നും 19 പോയിന്റുമായി സെമിഫൈനലില് എത്തിയ അത്ലറ്റിക്കോ ഡി കൊല്ക്കത്തക്ക്—ഇന്ന്—പൂനെയോട്—തോറ്റാലും സെമഫൈനല് സ്ഥാനം നഷ്ടമാകില്ല. തൊട്ടുപിന്നില് നാലാം സ്ഥാനത്തു നില്ക്കുന്ന കേരള ബ്ലാസറ്റേഴ്സ്—ഗോള് ശരാശരിയില് ഏറെ പിന്നിലാണ്. എന്നാല് അവസാന അഞ്ച് മത്സരങ്ങളില് കൊല്ക്കത്ത തോറ്റില്ലെങ്കിലും ഒരു വിജയം മാത്രമാണ് സ്വന്തമായുള്ളത്. ബാക്കിയുള്ള കളികളെല്ലാം സമനിലയില് പിരിഞ്ഞു.
ഇന്നത്തെ കൊല്ക്കത്തക്കെതിരായ മത്സരം കിക്കോഫിനു മുന്പ്—തന്നെ സംബന്ധിച്ചിടത്തോളം വളരെ സ്പെഷ്യലാണെന്നു ഹെബ്ബാസ്—സമ്മതിച്ചു. എന്നാല് കളി ആരംഭിക്കുന്നതോടെ ഒരു സ്പെഷ്യാലിറ്റിയും ഈ മത്സരത്തിനുണ്ടാകില്ലെന്നും അദ്ദേഹം പറഞ്ഞു. ബ്ലാസ്റ്റേഴ്സിനോടേറ്റ പരാജയമാണ് പൂനെയുടെ സെമി സാധ്യതകള് ഇല്ലാതാക്കിയത്.
മറുവശത്ത്—അത്ലറ്റിക്കോ ഡി കൊല്ക്കത്ത തുടര്ച്ചയായി മൂന്നാം വര്ഷമാണ്—ഐഎസ്—എല്ലിന്റെ സെമിഫൈനലിലേക്ക്—യോഗ്യത നേടുന്നത്. മറ്റൊരു ടീമിനും കൈവരിക്കാന് കഴിയാത്ത നേട്ടം ആണിത്.
ഇന്ന് പൂനെക്കെതിരെ വിജയം മാത്രമാണ് ലക്ഷ്യം. എന്നാല് ടീമിലെ നിരവധി കളിക്കാര്ക്ക്—ഇതിനകം കളിക്കാന് അവസരം ലഭിച്ചിട്ടില്ല. അവര്ക്കും കൂടി കളിക്കാന് അവസരം നല്കേണ്ടതുണ്ടെന്നും അവരില് തനിക്ക്—വിശ്വാസം ഉണ്ടെന്നും മൊളിനൊ പറഞ്ഞു.
എന്നാല് ഹോം മാച്ചുകളില് ഇത്തവണ അത്ലറ്റിക്കോ കൊല്ക്കത്തയുടെ പ്രകടനം മോശമാണ്. എവേ മത്സരങ്ങളിലാണ് അവരുടെ മികച്ച പ്രകടനങ്ങളെല്ലാം.
ഈ സീസണില് കൊല്ക്കത്ത കഴിഞ്ഞ ആറ് ഹോം മാച്ചുകളില് ഒരു മത്സരം മാത്രമെ ജയിച്ചിട്ടുള്ളു. ബാക്കി നാല്—മത്സരങ്ങളില് സമനിലയോടെ രക്ഷപ്പെടുകയായിരുന്നു. ഒരു മത്സരത്തില് തോല്ക്കുകയും ചെയ്തു.
ഇരുടീമുകളും തമ്മില് അഞ്ച്—തവണ പരസ്പരം ഏറ്റുമുട്ടിയതില് മൂന്നു തവണയും ജയം പൂനെ സിറ്റിക്കായിരുന്നു. ഒരു തവണ മാത്രമെ കൊല്ക്കത്ത ജയിച്ചിട്ടുള്ളു.
