കണ്ണൂര്: കള്ളപ്പണം നിയന്ത്രിക്കാന് കേന്ദ്രസര്ക്കാര് 500, 1000 രൂപ നോട്ടുകള് അസാധുവാക്കിയതിനെതിരെ ഇടതുമുന്നണി ഇന്ന് സംസ്ഥാനത്ത് നടത്തുന്ന ഹര്ത്താലിനെതിരെ ജനരോഷം ശക്തം. രാവിലെ ആറ് മുതല് വൈകുന്നേരം ആറ് വരെയാണ് ഹര്ത്താല്. ബാങ്ക്, ആശുപത്രി, പാല്, പത്രം എന്നിവയെ ഹര്ത്താലില് നിന്ന് ഒഴിവാക്കിയിട്ടുണ്ടെന്നാണ് എല്ഡിഎഫ് വ്യക്തമാക്കുന്നത്. ഹര്ത്താലിനെതിരെ ജനരോഷമുയരുമെന്ന സാഹചര്യത്തിലാണ് സിപിഎം ചില ഇളവുകള് പ്രഖ്യാപിച്ചതെങ്കിലും വാഹനഗതാഗതം പൂര്ണ്ണമായും നിലക്കുമെന്നതിനാല് ഹര്ത്താല് ജനദ്രോഹബന്ദായി മാറുമെന്ന് ഉറപ്പാണ്. സംസ്ഥാനത്ത് കടകള് തുറക്കാനോ വാഹനങ്ങള് ഓടാനോ അനുവദിക്കരതെന്നാവശ്യപ്പെട്ട് സിപിഎം നേതൃത്വം അണികള്ക്ക് കര്ശന നിര്ദ്ദേശം നല്കിയിട്ടുണ്ട്.
ഇറാഖില് സദ്ദാംഹുസൈനെ വധശിക്ഷക്ക് വിധേയനാക്കിയപ്പോള് കേരളത്തില് ഹര്ത്താല് നടത്തിയ പാര്ട്ടിയാണ് സിപിഎം. അതുകൊണ്ടുന്നെ കേന്ദ്രസര്ക്കാര് കള്ളപ്പണത്തിനെതിരെ സ്വീകരിച്ച നിലപാടിനെതിരെ സിപിഎം ഹര്ത്താല് നടത്തുന്നതില് അല്ഭുതമില്ലെന്നാണ് നാട്ടുകാരുടെ അഭിപ്രായം. രാജ്യത്തിന്റെ പൊതുതാല്പര്യത്തിനെതിരായി സിപിഎം പ്രഖ്യാപിച്ച ജനദ്രോഹ ഹര്ത്താലിനെതിരെ ശക്തമായ പ്രതിഷേധമുയര്ന്നുകഴിഞ്ഞു.
