ഇരിട്ടി : ഇരിട്ടി പുതിയ ബസ്സ് സ്റ്റാന്റിനു സമീപം പഴയ പാലത്ത് യുവാവിനു നേരെ സദാചാര ഗുണ്ടാ ആക്രമണം. ക്രൂരമായ മര്ദ്ദനത്തിന് വിധേയനായ കീഴല്ലൂര് പാലയോട് സ്വദേശി വലിയ വളപ്പില് ഷിഹാബിനെ (30) സാരമായ പരിക്കുകളോടെ തലശ്ശേരി സഹകരണ ആശുപത്രിയില് പ്രവേശിപ്പിച്ചു. സം’വം സദാചാര ഗുണ്ടാ അക്രമണമാണെന്നാണ് യുവാവിന്റെ ബന്ധുക്കളുടെ പരാതി.
നാഷണല് പെര്മിറ്റു ലോറിയില് ക്ലീനറാണു ഷിഹാബ്. പുലര്ച്ചെ ലോറി ഓട്ടം പോകേണ്ടതുള്ളതിനാല് െ്രെഡവറുടെ വീട്ടില് എത്തിയ സമയത്തായിരുന്നു ആക്രമണം. രാത്രി പത്ത് മണിയോടെ ഒരു ഫോണ് വന്നതിനെ ത്തുടര്ന്ന് പുറത്തിറങ്ങി സംസാരിച്ചു കൊണ്ടിരിക്കേ ഒരു സംഘം യുവാക്കള് എത്തുകയും നീ ഏതാണെന്ന് ചോദിച്ചു.
ക്ലീനര് ജോലിക്ക് വന്നതാണെന്നും െ്രെഡവറുടെ പേരും പറഞ്ഞെങ്കിലും ക്രൂരമായ മര്ദ്ദനം അഴിച്ചു വിടുകയായിരുന്നുവെന്ന് യുവാവിന്റെ പരാതിയില് പറയുന്നു. െ്രെഡവറെ കൂട്ടി കൊണ്ടുവന്നാല് വിടാമെന്ന് പറഞ്ഞ് ഫോണ് ഉള്പ്പെടെ അക്രമി സംഘം പിടിച്ചു വാങ്ങി. തുടര്ന്ന് െ്രെഡവറുടെ വീട്ടില് ചെന്നെങ്കിലും അദ്ദേഹവും അക്രമിസംഘം അക്രമിക്കുമെന്ന് കണ്ടു ഇടവഴിയിലൂടെ മേലെ സ്റ്റാന്റിലേക്ക് ഓടി രക്ഷപ്പെട്ടു. അക്രമികളും തന്നെ പിന്തുടരുന്നത് കണ്ട െ്രെഡവര് ഒരു കടയുടെ മുകളില് കയറി ഒളിച്ചു രക്ഷപ്പെട്ടു. തുടര്ന്ന് വീണ്ടും തന്റെ നേര്ക്ക് നടന്ന അക്രമത്തെ തുടര്ന്ന് ഒരു ടെറസിന്റെ മുകളില് കയറുകയും ഇവിടെ ബോധരഹിതനായി വീഴുകയും പുലര്ച്ചെ നാലരയോടെ ഉണര്ന്ന താന് പഴയ ബസ്സ് സ്റ്റാന്റില് വെച്ച് ഒരാളോട് വണ്ടിക്കൂലി വാങ്ങി നാട്ടില് എത്തുകയുമായിരുന്നു എന്ന് ഷിഹാബ് പരാതിയില് പറയുന്നു. നാട്ടിലെത്തിയ ഷിഹാബിനെ കുടുംബംഗങ്ങളാണ് ആശുപത്രിയില് പ്രവേശിപ്പിക്കുന്നത്. അക്രമത്തില് ഷിഹാബിന്റെ മൂക്കിന്റെ പാലം പൊട്ടുകയും തലയ്ക്കു ക്ഷതമേല്ക്കുകയും ചെയ്തിട്ടുണ്ട്. സംഭവത്തില് അന്വേഷണം ആരംഭിച്ചതായും ഷിഹാബിന്റെ മൊഴി എടുത്തതായും ഇരിട്ടി എസ് ഐ സുധീര് കല്ലന് അറിയിച്ചു.
