സോള്: വയാഗ്ര ഗുളികകള് വാങ്ങിയെന്ന പ്രതിപക്ഷാരോപണം പ്രസിഡന്റ് പാര്ക്ക് ജ്യുവാന് ഹെയുടെ ഓഫീസ് സമ്മതിച്ചു. അതേസമയം പ്രസിഡന്റിന്റെ സഹായികള്ക്ക് വേണ്ടിയാണ് ഇവ വാങ്ങിയതെന്നും ഉയരമുളള സ്ഥലങ്ങളിലേക്ക് പോകുമ്പോഴുളള പ്രശ്നങ്ങള് പരിഹരിക്കാനാണ് ഇവര് ഇത് ഉപയോഗിച്ചതെന്നും വിശദീകരണമുണ്ട്.
എത്യോപ്യ, ഉഗാണ്ട, കെനിയ തുടങ്ങിയ സ്ഥലങ്ങളില് പ്രസിഡന്റ് സന്ദര്ശനം നടത്തിയപ്പോള് അദ്ദേഹത്തെ അനുഗമിച്ച ഉദ്യോഗസ്ഥര്ക്കായാണ് ഇവ വാങ്ങിയത്. ഇവയുടെ തലസ്ഥാനങ്ങള് സമുദ്ര നിരപ്പില് നിന്ന് ആയിരക്കണക്കിന് മീറ്റര് ഉയരത്തിലാണ്. അതേസമയം ഇവ ഉപയോഗിച്ചില്ലെന്നും പ്രസിഡന്റിന്റെ ഓഫീസ് വക്താവ് ജങ് യൗന് കുക്ക് പറഞ്ഞു.
ദക്ഷിണ കൊറിയന് ഡോക്ടര്മാര് വയാഗ്ര പര്വതാരോഹകര്ക്ക് നിര്ദേശിക്കാറുണ്ട്. സാധാരണ ലൈംഗിക ഉത്തേജകമായാണ് ഇവ ഉപയോഗിക്കുന്നത്. ഇംപീച്ച്മെന്റ് നടപടി നേരിടുന്ന പ്രസിഡന്റിനെതിരെ ഉയര്ന്ന ആരോപണങ്ങളില് പ്രധാനമായിരുന്നു വയാഗ്ര പ്രശ്നം. ഇതിന് പുറമെ ധാരാളം രാഷ്ട്രീയ ആരോപണങ്ങളും ഉയര്ന്നിട്ടുണ്ട്.
