വടകര: അന്തര്ദേശീയ കരകൗശല മേളയ്ക്കായ് ഇരിങ്ങലിലെ സര്ഗ്ഗാലയ വീണ്ടും ഒരുങ്ങുന്നു. ഡിസംബര് 18നാണ് മേള ആരംഭിക്കുക. ഇന്ത്യയിലെ ഏറ്റവും മികച്ച ടൂറിസം പ്രൊജക്ടായ് കേന്ദ്ര ടൂറിസം വകുപ്പ് തെരഞ്ഞെടുത്ത ഇരിങ്ങലിലെ സര്ഗ്ഗാലയ, തെക്കെ ഇന്ത്യയിലെ തന്നെ ഏറ്റവും മികച്ച കരകൗശല മേളയ്ക്കാണ് വേദിയാവുന്നത്. മേള 2017 ജനുവരി അഞ്ചുവരെ നീണ്ടുനില്ക്കും.
കേന്ദ്ര ടൂറിസം വകുപ്പ്, സംസ്ഥാന ടൂറിസം വകുപ്പ്, നബാര്ഡ്, സൗത്ത് സോണ് കള്ച്ചറല് സെന്റര് എന്നിവ യുടെ സഹകരണത്തോടെയാണ് മേള അരങ്ങേറുന്നത്. 25 ഓളം സംസ്ഥാനങ്ങളില് നിന്നായി നാനൂറില്പ്പരം കലാ കാരന്മാരാണ് മേളയില് പങ്കെടുക്കുന്നത്. ഇതിനുപുറമേ 100 ഓളം കലാകാരന്മാര് തത്സമയ കരകൗശല നിര്മ്മാണപ്രദര്ശനവും നടത്തും.
ഭാരതത്തിലെ വിവിധ സംസ്ഥാനങ്ങളില് നിന്നുള്ള കലാകാരന്മാര് ഒരുക്കുന്ന കലാപരിപാടികളും മേളയുടെ ആകര്ഷണമായിരിക്കുമെന്ന് സംഘാടകസമിതി ചെയര്മാന് കെ. ദാസന് എംഎല്എ വാര്ത്താസമ്മേളനത്തില് അറിയിച്ചു. തായലാന്റ്, അഫ്ഗാനിസ്ഥാന് തുടങ്ങിയ രാജ്യങ്ങളില്നിന്നുള്ള കലാകാര ന്മാരും മേളയില് പങ്കെടുക്കും. മേളയോടനുബന്ധിച്ച് ദേശീയപാതയിലും, പരിസരത്തുമായി മെച്ചപ്പെട്ട ഗതാഗത ക്രമീകരണം നടത്തുവാനും അയനിക്കാട് മുതല് വടകര വരെയുള്ള റോഡിന്റ ശോച്യാവസ്ഥ പരിഹരിക്കാനുള്ള നടപടി സ്വീകരിക്കു മെന്നും എംഎല്എ കൂട്ടിച്ചേര്ത്തു.
പയ്യോളി മേഖലയില് 2000 ഓളം സ്ത്രീകള്ക്ക് കരകൗശല പരിശീലനത്തിലൂടെ സ്വയംതൊഴില് സൃഷ്ടിക്കാനുള്ള കര്മ്മ പദ്ധതി നടപ്പിലാക്കിയിട്ടുണ്ടെന്നും സര്ഗ്ഗാലയ സിഇഒ പി. ഭാസ്കരന് പറഞ്ഞു. പയ്യോളി നഗരസഭ ചെയര്പേഴ്സന് പി. കുല്സു, സര്ഗ്ഗാലായ ചീഫ് എക്സിക്യുട്ടീവ് ഓഫിസര് പി.പി. ഭാസ്കരന്, ജനറല് മാനേജര് ടി.കെ. രാജേഷ്, ഹോസ്പിറ്റാലിറ്റി മാനേജര് എം.ടി. സുരേഷ്ബാബു, ക്രാഫ്റ്റ് ഡിസൈനര് കെ.കെ. ശിവദാസന് എന്നിവരും വാര്ത്താ സമ്മേളനത്തില് പങ്കെടുത്തു.
