ശ്രീനഗര്: ഇന്ത്യന് സൈന്യം നടത്തിയ തിരിച്ചടിക്കു മറുപടിയായി, 40 ഇന്ത്യന് സൈനികരെ പാക്കിസ്ഥാന് കൊന്നെന്ന അവകാശവാദവുമായി പാക്കിസാഥാന് ലഫ്.ജനറല് മാലിക് സഫര് ഇക്ബാല്. എന്നാല് ഇന്ത്യ നടത്തിയ ആക്രമണത്തില് പാക്കിസ്ഥാന്റെ 20 സൈനികര് മാത്രമാണ് മരിച്ചതെന്നും ഇക്ബാല് അവകാശപ്പെട്ടു. ഗില്ജിത് ബാള്ട്ടിസ്ഥാന് മേഖലയില് സന്ദര്ശനം നടത്തുന്നതിനിടെ പാക്ക് പാര്ലമെന്റംഗങ്ങളും മാധ്യമപ്രവര്ത്തകരുമടങ്ങിയ സംഘത്തോടു സംസാരിക്കുകയായിരുന്നു ഇഖ്ബാല്.
അതേസമയം പാക്ക് സൈന്യം നിയന്ത്രണരേഖയില് നടത്തിയ ഷെല് ആക്രമണത്തില് 55 വയസ്സുള്ള ശാന്തി ദേവി എന്ന സ്ത്രീയ്ക്ക് പരിക്കേറ്റു. പരിക്കേറ്റ ഇവരെ സമീപത്തുള്ള ജില്ലാ ആശുപത്രിയില് പ്രവേശിപ്പിച്ചു. കശ്മീര് അതിര്ത്തികളില് ഇത്തരത്തില് പാക്കിസ്ഥാന് നടത്തുന്ന ആക്രമണങ്ങളില് കശ്മീരിലെ ജനങ്ങള് കനത്ത മാനസിക സമ്മര്ദ്ദങ്ങള് നേരിടുകയാണ്.
നിരപരാധികളായ സ്ത്രീകളും കുട്ടികളുമടക്കമുള്ളവര്ക്ക് ഷെല്ലാക്രമണങ്ങളില് പരിക്കേല്ക്കുന്നുണ്ട്. ഇത്തരം ആക്രമണങ്ങളില് നിരവധി കുട്ടികള്ക്ക് അവരുടെ മാതാപിതാക്കളെ നഷ്ടപ്പെട്ടിട്ടുണ്ട്. അതിര്ത്തി പ്രദേശങ്ങളില് വസിക്കുന്നവര്ക്ക് ക്ഷോഭം, വിശപ്പ് കുറവ്, ഉറക്കം അസ്വസ്ഥത തുടങ്ങിയവ ആളുകള്ക്ക് ഉണ്ടാകുന്നതായും പ്രശസ്ത മാനസിക വിദഗ്ധനായ ജഗദീഷ് താപ്പ പറഞ്ഞു.
