തൊഴിലധിഷ്ഠിത സര്‍ട്ടിഫിക്കറ്റ് കോഴ്‌സ്

കാസര്‍കോട്: പട്ടികവര്‍ഗ വികസന വകുപ്പും, എന്‍.ടി.ടി.എഫ് തലശ്ശേരിയും സംയുക്തമായി പട്ടികവര്‍ഗ വിദ്യാര്‍ത്ഥികളില്‍ നിന്ന് ഒരു വര്‍ഷ തൊഴിലധിഷ്ഠിത സര്‍ട്ടിഫിക്കറ്റ് കോഴ്‌സുകളിലേക്ക് അപേക്ഷ ക്ഷണിച്ചു. വിദ്യാഭ്യാസ യോഗ്യത എസ്.എസ്.എല്‍.സി, പ്രായപരിധി 24 വയസ്സ് (01/07/1992 നും 1/7/1999 നും മദ്ധ്യേ ജനിച്ചവര്) പ്രവേശന പരീക്ഷ 23 ന് രാവിലെ 9.30 മണിക്ക് കോടോം-ബേളൂര്‍ ഗ്രാമപഞ്ചായത്ത് ഹാളില്‍ നടത്തും. അപേക്ഷ ഫോറം മാലക്കല്ല്, കാസര്‍ഗോഡ്, നീലേശ്വരം, പെര്‍ള എന്നിവിടങ്ങളില്‍ പ്രവര്‍ത്തിക്കുന്ന ട്രൈബല്‍ എക്സ്റ്റന്‍ഷന്‍ ഓഫീസുകളിലും, കാസര്‍ഗോഡ് ട്രൈബല്‍ ഡവലപ്‌മെന്റ് ഓഫീസിലും ലഭിക്കുന്നതാണ.് അപേക്ഷയോടൊപ്പം എസ്.എസ്.എല്‍.സി മാര്‍ക്ക് ലിസ്റ്റിന്റെ പകര്‍പ്പ്, 2 പാസ്സ്‌പോര്‍ട്ട് സൈസ് ഫോട്ടോ, ജാതി സര്‍ട്ടിഫിക്കറ്റ് എന്നിവ ഉളളടക്കം ചെയ്യണം.