അങ്ങാടിപ്പുറം: നരേന്ദ്രമോദി സര്ക്കാരിന്റെ ജനകീയ പദ്ധതികള് കേരളത്തിലെ ഇടതുവലത് മുന്നണികള് അട്ടിമറിക്കുകയാണെന്ന് യുവമോര്ച്ച സംസ്ഥാന പ്രസിഡന്റ് അഡ്വ.കെ.പി.പ്രകാശ്ബാബു. ബിജെപി ജില്ലാ പഠനശിബിരത്തില് എന്ഡിഎ സര്ക്കാരിന്റെ ഭരണനേട്ടങ്ങള് എന്ന വിഷയത്തില് ക്ലാസെടുക്കുകയായിരുന്നു അദ്ദേഹം.
കഴിഞ്ഞ യുപിഎ സര്ക്കാര് ഉണ്ടാക്കിവെച്ച ഓരോ പ്രതിസന്ധികളും മോദി സര്ക്കാര് പരിഹരിച്ചുകൊണ്ടിരിക്കുകയാണ്. ജനമനസ്സുകളില് ശുഭപ്രതീക്ഷകള് രൂപപ്പെടുത്താന് എന്ഡിഎ സര്ക്കാരിന് സാധിച്ചിട്ടുണ്ട്. രാഷ്ട്രീയ വിരോധികള് ആരോപിക്കുന്നതുപോലെ മോദിയുടെ ഭരണനേട്ടത്തിന്റെ ഗുണഭോക്താക്കള് മുതലാളിമാരല്ല പകരം സാധാരണക്കാരായ ഭാരതീയരാണ്. ആരോടും പക്ഷാപാതം കാണിക്കാതെ രാജ്യത്തിന്റെ അഭിവൃദ്ധിക്കായാണ് നരേന്ദ്രമോദി പ്രവര്ത്തിക്കുന്നത്. യുപിഎ സര്ക്കാരിന് ഇതിന് സാധിച്ചിരുന്നില്ല. അദ്ദേഹം കൂട്ടിച്ചേര്ത്തു.
പണ്ഡിറ്റ് ദീനദയാല് ഉപാധ്യായ പ്രവര്ത്തക പരിശീലന ശിബിരത്തിന്റെ രണ്ടാം ദിവസമായ ഇന്നലെ ബിജെപി സംസ്ഥാന സമിതിയംഗം രജനീഷ് ബാബു, സംസ്ഥാന വൈസ് പ്രസിഡന്റ് എന്.ശിവരാജന്, സി.വാസുദേവന്, ഷാജുമോന് വട്ടേക്കാട്, സംസ്ഥാന സമിതിയംഗങ്ങളാ. പി.രാഘവന്, വി.ഉണ്ണികൃഷ്ണന് എന്നിവരും ക്ലാസുകളെടുത്തും. ശിബിരം ഇന്ന് സമാപിക്കും.
