ഓച്ചിറ പന്ത്രണ്ട് വിളക്കിന് നാളെ തുടക്കം

കരുനാഗപ്പള്ളി: മഹേശ്വരപുണ്യം നുകരാന്‍ ഭക്തലക്ഷങ്ങള്‍ നാളെ മുതല്‍ ഓച്ചിറ പരബ്രഹ്മ സന്നിധിയിലെത്തും. വ്രതാനുഷ്ഠാനത്തിന്റെ പുണ്യം നുകര്‍ന്നും നാമജപ സങ്കീര്‍ത്തനങ്ങളാലും പരബ്രഹ്മ സന്നിധി മാറും.

നാളെ രാവിലെ ആറിന് പ്രഭാതഭേരിയോടെ ആല്‍ത്തറകളില്‍ അഭിഷേകം നടക്കും. തുടര്‍ന്ന് 6.30ന് ക്ഷേത്രഭരണസമിതി പ്രസിഡന്റ് വി.പി.എസ്. മേനോന്‍ പതാക ഉയര്‍ത്തുന്നതോടുകൂടി വൃശ്ചിക ഉത്സവത്തിന് തുടക്കമാകും.വൈകിട്ട് അഞ്ചിന് ആര്‍.രാമചന്ദ്രന്‍ എംഎല്‍എയുടെ അധ്യക്ഷതയില്‍ കൂടുന്ന സമ്മേളനം കേരളാ ഹൈക്കോടതി ജഡ്ജി ബി.സുധീന്ദ്രകുമാര്‍ ഉദ്ഘാടനം ചെയ്യും. ആറിന് ദീപാരാധന എട്ടിന് സംഗീതാര്‍ച്ചന രാത്രി ഒമ്പതിന് മേജര്‍സെറ്റ് കഥകളി നളചരിതം ഒന്നാം ദിവസം, ദക്ഷയാഗം എന്നിവ നടക്കും. രണ്ടാം ദിവസം രാവിലെ ഹരിനാമകീര്‍ത്തനം 8ന് പ്രഭാഷണങ്ങള്‍ 11ന് പാഠകം, 12ന് ഭക്തിഗാനമേള, വൈകിട്ട് 3ന് വ്യവസായ സമ്മേളനത്തില്‍ ഒ.രാജഗോപാല്‍ എംഎല്‍എ. അദ്ധ്യക്ഷത വഹിക്കും. വെള്ളാപ്പള്ളി നടേശന്‍ ഉദ്ഘാടനം ചെയ്യും. കെ.എന്‍.ബാലഗോപാല്‍ മുഖ്യപ്രഭാഷണം നടത്തും. വൈകിട്ട് 6ന് ദീപാരാധന, 8ന് സംഗീതസന്ധ്യ, 9ന് ഗാനമേള, 11.30 ന് ഡാന്‍സ് എന്നിവ നടക്കും.

മൂന്നാം ദിവസം ഹരിനാമകീര്‍ത്തനം, 8ന് പ്രഭാഷണം 10ന് സംഗീതകച്ചേരി, 11.30ന് നൃത്തനൃത്യങ്ങള്‍ വൈകിട്ട് 3ന് മതസമ്മേളനം എന്നിവ നടക്കും. മതസമ്മേള നത്തില്‍ ശിവഗിരി മഠത്തിലെ സച്ചിദാനന്ദസ്വാമികള്‍ അദ്ധ്യക്ഷത വഹിക്കും. ശബരിമല അയ്യപ്പസേവാ സമാജം പ്രസിഡന്റ് സ്വാമി അയ്യപ്പദാസ് ഉദ്ഘാടനം ചെയ്യും. കൂട്ടപ്പസ്വാമി മുഖ്യപ്രഭാഷണം നടത്തും, 6ന് ദീപാരാധന, 8ന് സംഗീതസദസ്, 9.30ന് ഭരതനാട്യം, 11ന് ഡാന്‍സ്, 12ന് നാടകം.

നാലാം ദിവസം രാവിലെ ഹരിനാമകീര്‍ത്തനം, 8മുതല്‍ പ്രഭാഷണങ്ങള്‍, 10.30 മുതല്‍ ഭരതനാട്യം, 12 മുതല്‍ ഭജന, വൈകിട്ട് മൂന്നുമുതല്‍ സാംസ്‌കാരികസമ്മേളനം നടക്കും. ഡോ. ബി.എ.രാധാകൃഷ്ണന്‍ അദ്ധ്യക്ഷനായിരിക്കും. ഉദ്ഘാടനം രമേശ് ചെന്നിത്തല നിര്‍വഹിക്കും. സി.വി.ആനന്ദബോസ് മുഖ്യപ്രഭാഷണം നടത്തും. 6 മുതല്‍ ദീപാരാധന, 8 ന് ഡാന്‍സ്, 8.30 ന് സംഗീതകച്ചേരി, 11 മുതല്‍ നൃത്തനൃത്യങ്ങള്‍ 12.30 മുതല്‍ കഥാപ്രസംഗം.

അഞ്ചാം ദിനത്തില്‍ രാവിലെ ഹരിനാമകീര്‍ത്തനം, 6 മുതല്‍: അഖണ്ഡനാമജപയജ്ഞം.6 മുതല്‍ ദീപാരാധന, 8 മുതല്‍ നൃത്തസന്ധ്യ, 10 മുതല്‍ ഡാന്‍സ്. സമാപന ദിവസമായ വൃശ്ചികം 12ന് രാവിലെ ഹരിനാമകീര്‍ത്തനം, പ്രഭാഷണങ്ങള്‍, 10 മുതല്‍ കഥാപ്രസംഗം, 12 മുതല്‍ ഭക്തിഗാനസുധ, 2.30 മുതല്‍ സമാപനസമ്മേളനത്തില്‍ േദവസ്വം ബോര്‍ഡ് പ്രസിഡന്റ് പ്രയാര്‍ ഗോപാലകൃഷ്ണന്‍ അധ്യക്ഷനാകും. എന്‍എസ്എസ് പ്രസിഡന്റ് അഡ്വ.പി.എന്‍.നരേന്ദ്രനാഥന്‍ നായര്‍ ഉദ്ഘാടനം നിര്‍വഹി ക്കും. മുഖ്യപ്രഭാഷണം അഡ്വ.കെ.ഗോപിനാഥന്‍ നിര്‍വഹിക്കും. 6 മുതല്‍ ദീപാരാധന, 8 മുതല്‍ സംഗീതസദസ്, 11 മുതല്‍ കഥാപ്രസംഗം, 12.30 മുതല്‍ നാടകം എന്നീ പരിപാടികള്‍ നടക്കുമെന്ന് പ്രസിഡന്റ് വി.പി.എസ് മേനോനും സെക്രട്ടറി വി.സദാശിവനും അറിയിച്ചു.