കൊല്ലം: റവന്യൂ ജില്ലാ ശാസ്ത്രമേളക്ക് തുടക്കമായി. സെന്റ് ജോസഫ് കോണ്വെന്റ് ജിഎച്ച്എസ്എസില് നടന്ന ചടങ്ങില് മേളയുടെ ഉദ്ഘാടനം എം.നൗഷാദ് എംഎല്എ നിര്വഹിച്ചു. ശാസ്ത്രം, ഗണിതശാസ്ത്രം, സാമൂഹ്യശാസ്ത്രം, ഐടി, പ്രവൃത്തിപരിചയം എന്നീ വിഭാഗങ്ങളിലായി നടക്കുന്ന മേളയുടെ വേദികള് വിമല ഹൃദയ ജിഎച്ച്എസ്എസ്, സെന്റ് അലോഷ്യസ് ജിഎച്ച്എസ്എസ്, ക്രിസ്തുരാജ് എച്ച്എസ്എസ്, സെന്റ് ജോസഫ് കോണ്വന്റ് എച്ച്എസ്എസ് എന്നിവയാണ്. സെന്റ് ജോസഫ് കോണ്വന്റില് മേളയുടെ ഭാഗമായി വൊക്കേഷണല് ഹയര് സെക്കണ്ടറി സ്കൂളുകളിലെ നിര്മാണ പരിശീലനകേന്ദ്രങ്ങളുടെ ഉത്പന്നങ്ങളുടെയും സേവനങ്ങളുടെയും പ്രദര്ശനവും വില്പനയും ആരംഭിച്ചു. ചടങ്ങില് മുനിസിപ്പല് കൗണ്സിലര് എ.കെ.ഹഫീസ് അധ്യക്ഷനായി. ജില്ലാ പഞ്ചായത്ത് സ്റ്റാന്റിംഗ് കമ്മിറ്റി ചെയര്മാന് ജൂലിയറ്റ് നെല്സണ്, കൗണ്സിലര് രാജ്മോഹന്, വിഎച്ച്എസ്ഇ അസിസ്റ്റന്റ് ഡയറക്ടര് എസ് ഷീബ, പി ടി എ സെക്രട്ടറി രാജേഷ് തുടങ്ങിയവര് സംസാരിച്ചു.
ജില്ലാ ശാസ്ത്രമേളക്ക് തുടക്കമായി
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.