തൃക്കരിപ്പൂര്: സിപിഎം സ്ത്രീപീഡനക്കാരുടേയും, ഗുണ്ടാ സംഘത്തിനന്റെയും പാര്ട്ടിയായി മാറിയെന്ന് ബിജെപി സംസ്ഥാന സമിതി അംഗം അഡ്വ:എ വി കേശവന് പറഞ്ഞു. ബിജെപിക്ക് നേരെ സിപിഎം നടത്തുന്ന അപവാദ പ്രചാരണത്തിനെതിരെ പേക്കടത്ത് ചേര്ന്ന വിശദികരണ യോഗം ഉദ്ഘടാനം ചെയ്തു സംസാരിക്കുകയായിരുന്നു അദ്ദേഹം. സിപിഎം ഉണ്ടാവുന്നതിനുമുമ്പാണ് മാറു മറക്കല് സമരം നടന്നത് എന്നാല് സിപിഎം നേതാക്കള് പറയുന്നത് ഞങ്ങളാണ് സമരത്തിന് നേതൃത്വം നല്കിയതെന്നാണ്. ചുംബന സമരാഭാസത്തിനും ദേശവിരുദ്ധ ശക്തിയായ കനയ്യ കുമാറിന് പിന്തുണ നല്കിയ കമ്യൂണിസ്റ്റ് പാര്ട്ടി കേരളത്തില് സ്ത്രീകള്ക്ക് പുറത്ത് ഇറങ്ങി നടക്കാന് സാധിക്കാത്ത അവസ്ഥ സൃഷ്ടിച്ചിരിക്കുകയാണ്. ക്ഷേത്രത്തിന്റെ പേരില് കോടിക്കണക്കിന് രൂപയുടെ തേക്ക് മരം മുറിച്ച് കടത്താന് ശ്രമിച്ചവരാണ് കേരളത്തില് ബി ജെപിക്കെതിരെ അക്രമവും കൊലപാതകവും നടത്തുന്നത്. സിപിഎം തീക്കൊള്ളി കൊണ്ട് തല ചൊറിയുകയാണെന്നും അദ്ദേഹം പറഞ്ഞു.
ബിജെപി തൃക്കരിപ്പൂര് മണ്ഡലം ജനറല് സെക്രട്ടറി വെങ്ങാട്ട് കുഞ്ഞിരാമന് അധ്യക്ഷത വഹിച്ചു. സംസ്ഥാന കൗണ്സില് അംഗം ടി.കുഞ്ഞിരാമന്, ജില്ലാ കമ്മറ്റി അംഗം മനോഹരന് കുവ്വാരത്ത്, മണ്ഡലം വൈസ് പ്രസിഡണ്ട് കെ ശശിധരന്, പഞ്ചായത്ത് കമ്മറ്റി ജനറല് സെക്രട്ടറി ഇ രാമചന്ദ്രന് എന്നിവര് സംസാരിച്ചു. ടി.ഗംഗാധരന് സ്വാഗതവും കെ.അനില്കുമാര് നന്ദിയും പറഞ്ഞു.
