ആലപ്പുഴ: മന്നത്തു പത്മനാഭന് അശ്രാന്ത പരിശ്രമത്തിന്റെയും ദീര്ഘവീക്ഷണത്തിന്റെയും ഫലമാണ് എന്എസ്എസിന്റെ സരസ്വതീക്ഷേത്രങ്ങളെന്നും മന്നത്തിന്റെ പരിശ്രമം വിദ്യാഭ്യാസ വിപ്ലവത്തിന് അടിത്തറ പാകിയതായും എന്എസ്എസ് പ്രസിഡന്റ് അഡ്വ. പി.എന്. നരേന്ദ്രനാഥന് നായര്.
അമ്പലപ്പുഴ താലൂക്ക് യൂണിയന് അവാര്ഡ് വിതരണോദ്ഘാടനം നിര്വ്വഹിക്കുകയായിരുന്നു അദ്ദേഹം. താലൂക്ക് യൂണിയന് പ്രസിഡന്റ് കെ.കെ. പത്മനാഭപിള്ള അദ്ധ്യക്ഷത വഹിച്ചു.
താലൂക്കിലെ നല്ല കരയോഗമായി 1354 ചെട്ടികാട് കരയോഗത്തെയും വനിതാ സമാജമായി 1850 വാടയ്ക്കല് രാജരാജേശ്വരി വനിതാ സമാജത്തെയും മികച്ച കരയോഗം പ്രസിഡന്റായി 5267 പ്രീതികുളങ്ങര കരയോഗം പ്രസിഡന്റ് സി.എന്. ശിവദാസന്പിളളയെയും മികച്ച സെക്രട്ടറിയായി 2116 കരയോഗം സെക്രട്ടറി ഡി. മധുവിനെയും തെരഞ്ഞെടുത്തു. വിദ്യാഭ്യാസ എന്ഡോവ്മെന്റുകളുടെ വിതരണം കുട്ടനാട് താലൂക്ക് യൂണിയന് പ്രസിഡന്റ് പ്രൊഫ. കെ.പി. നാരായണപിള്ള നിര്വ്വഹിച്ചു. താലൂക്ക് യൂണിയന് വൈസ് പ്രസിഡന്റ് പി. രാജഗോപാലപ്പണിക്കര്, സെക്രട്ടറി വി.കെ. ചന്ദ്രശേഖരക്കുറുപ്പ്, വനിതാ സമാജം പ്രസിഡന്റ് ഡോ. രമാദേവി തുടങ്ങിയവര് സംസാരിച്ചു.
