ആലപ്പുഴ: ആചാരങ്ങളിലും അനുഷ്ഠാനങ്ങളിലും വളരെ പ്രത്യേകതകളുള്ള കാനനക്ഷേത്രമായ ശബരിമലയില് ലക്ഷോപലക്ഷം ഭക്തര് തലമുറകളായി ആചരിച്ചുവരുന്ന കീഴ്വഴക്കങ്ങളിലും വിശ്വാസങ്ങളിലും കൈകടത്തി ശബരിമലയെ വിവാദകേന്ദ്രമായി മാറ്റാനുള്ള ശ്രമമാണ് തല്പരകക്ഷികളുടെ ഭാഗത്തുനിന്നും ഉണ്ടാകുന്നതെന്ന് അഖിലഭാരത അയ്യപ്പസേവാ സംഘം. ശബരിമലയില് നിശ്ചിത പ്രായപരിധിയിലുള്ള സ്ത്രീകള് ദര്ശനത്തിന് പോകാറില്ല. അതാണ് നമ്മുടെ ആചാരം.
സ്ത്രീകള്ക്ക് അവിടെ നിരോധനമില്ല. നിയന്ത്രണം മാത്രമാണുള്ളത്. വിശ്വാസങ്ങള്ക്കും ആചാരങ്ങള്ക്കും കോട്ടം തട്ടുന്ന ഒരു തീരുമാനവും അധികൃതരുടെ ഭാഗത്തുനിന്നും ഉണ്ടാകാന് പാടില്ലെന്നും അഖില ഭാരത അയ്യപ്പ സേവാ സംഘം അമ്പലപ്പുഴ യൂണിയന് സെക്രട്ടറി എം.കെ. ഓമനക്കുട്ടന് നായര്, വൈസ് പ്രസിഡന്റ് കെ.ജി. ബാലകൃഷ്ണപിള്ള എന്നിവര് അഭിപ്രായപ്പെട്ടു.
