ശ്രീനഗര്: ജമ്മു കശ്മീരിലെ ഭീകരരുടെ നുഴഞ്ഞു കയറ്റ ശ്രമം ഭാരത സൈന്യം തകർത്തു. അതിര്ത്തിരക്ഷാ സേനയുടെ ഇന്സ്പെക്ടര് ജനറല് ഡികെ ഉപാധ്യായയാണ് ഇക്കാര്യം അറിയിച്ചത്.
കശ്മീരിലെ ഹിരാനഗര് മേഖലയില് ദീപാവലി ആഘോഷങ്ങളുടെ മറപറ്റി നടത്തിയ മൂന്നു നുഴഞ്ഞുകയറ്റ ശ്രമങ്ങളും സൈന്യം തകർക്കുകയായിരുന്നു. അതേസമയം, 314 അതിര്ത്തിഗ്രാമങ്ങള് തുടര്ച്ചയായി നടക്കുന്ന പാക്ക് ആക്രമണത്തിന്റെ ദുരിതത്തിലാണെന്ന് സൈന്യം വ്യക്തമാക്കി.
ഈ പ്രദേശങ്ങളിലെ എല്ലാ ആശുപത്രികളിലും അത്യാഹിത വിഭാഗത്തെ മുഴുവന് സമയവും സജ്ജമാക്കിയിട്ടുണ്ട്. അതിര്ത്തി ഗ്രാമങ്ങളില് നിന്ന് ആളുകളെ സൈന്യം ഒഴിപ്പിക്കുകയും ചെയ്യുന്നുണ്ട്.
