ബാഗ്ദാദ്: മൊസൂളിലേക്ക് മുന്നേറുന്ന ഇറാഖ്, കുര്ദ്, സഖ്യസേനകളെ തടയാന് ഐഎസ് പുതിയ തന്ത്രങ്ങള് പയറ്റുന്നു. മൊസൂളിലെ ജനങ്ങളെ ബന്ദികളാക്കി അവരെ സൈന്യങ്ങള്ക്ക് എതിരെ മനുഷ്യപ്പരിചകളാക്കുകയാണ്.
ഇവരെ മുന്നില്നിര്ത്തി ആക്രമണം നടത്തുമ്പോള് സൈന്യത്തിന് ശക്തമായി തിരിച്ചടി നല്കാന് കഴിയില്ല. കാരണം ഐഎസുകാരല്ല ജനങ്ങളാകും കൊല്ലപ്പെടുക. ആയിരങ്ങളെയാണ് അവര് ബന്ദികളാക്കിയിരിക്കുന്നത്. ഇവരെ ആട്ടിന്പറ്റങ്ങളെപ്പോലെ നഗരത്തിലേക്ക് എത്തിച്ചുകൊണ്ടിരിക്കുകയാണ്. എതിര്ക്കുന്നവരെ വെടിവച്ചുകൊല്ലുകയാണ്. ബുധനാഴ്ച 232 പേരെയാണ് ഐഎസ് ഭീകരര് വെടിവച്ചുകൊന്നത്.
സേനകള് മൊസൂളിലേക്ക് അടുത്തതോടെ ജനങ്ങള് ഐഎസിനെതിരെ പ്രതികരിച്ചു തുടങ്ങി. വരും ദിവസങ്ങളില് അവര് കൂടുതല് കരുത്തോടെ പ്രതികരിക്കുമെന്നതും ഐഎസിനെ അസ്വസ്ഥമാക്കുന്നു. അരലക്ഷത്തോളം സൈനികരാണ് മൊസൂളിനടുത്ത് എത്തിയത്. ആറായിരം ഐഎസ് ഭീകരരും. പടിഞ്ഞാറന് മൊസൂള് ആക്രമിക്കാന് ഷിയാ പോരാളികള് തയ്യാറെടുക്കുകയാണ്.
