തിരുവല്ല: രാജ്യത്തെ മികച്ച കരാട്ടേ പരിശീലകനുള്ള കിയോകുഷിന് കരാട്ടേ (ഐഎസ്കെ) പുരസ്കാരം തിരുവല്ല കടയാന്ത്ര സ്വദേശി ഡി.വിനു ഏറ്റുവാങ്ങി. മലപ്പുറം പൊന്നാനിയില് നടന്ന ചടങ്ങില് ഐഎസ്കെ ഇന്ത്യന് ബ്രാഞ്ച് ചീഫ് സന്ദേനോ ഗാംകുലി പുരസ്കാരം കൈമാറി.
ജില്ലയില് നിന്ന് പുരസ്കാരം ഏറ്റുവാങ്ങുന്ന ആദ്യ കരാട്ടേപരിശീലകനായ ഇദ്ദേഹത്തിന് മുമ്പും നിരവധി പുരസ്കാരങ്ങള് ലഭിച്ചിട്ടുണ്ട്.വിവിധ രാജ്യാന്തര മത്സരങ്ങളില് മികച്ച പ്രകടനം കാഴ്ചവെച്ച ഇദ്ദേഹം കടയാന്ത്ര വൈക്കത്തില്ലത്ത് പരേതനായ ദിവാകര കൈമളിന്റേയും രാധാമണികുഞ്ഞമ്മയുടെയും മകനാണ്.ഭാര്യ രേഖ,മകന് വിശ്വജിത്ത്.ഉണ്ടപ്ലാവ് കരയോഗ കെട്ടിടത്തിലും കുറ്റൂരിലും ഇദ്ദേഹം കരാട്ടേക്ലാസുകള് നടത്തി വരുന്നു .പെണ്കുട്ടി ക ള്ക്കും വീട്ടമ്മമാര്ക്കും പ്രത്യേക പരിശീല വും നല്കി വരുന്നു.മലപ്പുറം പൊന്നാനിയില് നടന്ന പരസ്കാര വിതരണ ചടങ്ങിനോട് അനുബന്ധിച്ച് വിവിധ പ്രദര്ശന പ്രകടനങ്ങളും നടന്നു,വിവിധ രാജ്യാന്തര മത്സരജേതാക്കള് അടക്കം ഇദ്ദേഹത്തിന്റെ ശിഷ്യസമ്പത്തിലുണ്ട്.
