പാതിരിയാട്(കണ്ണൂര്): സിപിഎം കണ്ണൂരില് നടത്തുന്നത് ചമ്പല് താഴ്വരയിലെ കൊളളക്കാരെപ്പോലും ലജ്ജിപ്പിക്കുന്ന അക്രമമാണെന്ന് ബിജെപി ദേശീയ നിര്വ്വാഹക സമിതിയംഗം പി.കെ.കൃഷ്ണദാസ് പറഞ്ഞു. പിണറായി, വേങ്ങാട് പഞ്ചായത്തുകളില് സിപിഎമ്മുകാര് കഴിഞ്ഞ ദിവസങ്ങളില് അക്രമിച്ച് തകര്ത്ത സംഘപിരവാര് പ്രവര്ത്തകരുടെ വീടുകള് സന്ദര്ശിച്ച ശേഷം മാധ്യമ പ്രവര്ത്തകരോട് സംസാരിക്കുകയായിരുന്നു അദ്ദേഹം. പിണറായിയിലും വേങ്ങാട് മേഖലയിലും സിപിഎം നടത്തിയ കൊളളയും കൊളളിവെപ്പും പറഞ്ഞറിയിക്കാനാവാത്തതാണ്. 16 ഓളം വീടുകള് ഉപയോഗിക്കാനാവാത്ത നിലയില് അടിച്ചുതകര്ത്തു. തറയുള്പ്പെടെ പൊളിച്ച് നിരപ്പാക്കി. ലക്ഷക്കണക്കിന് രൂപയുടെ പണ്ടവും പണവും അക്രമം നടത്തിയ വീടുകളില് നിന്നും സിപിഎം സംഘം കൊളളയടിച്ചു. സമാനതകളില്ലാത്ത അക്രമങ്ങളില് സര്വ്വവും നഷ്ടപ്പെട്ടവര് തങ്ങളുടെ ജീവിതകാലം മുഴുവനുളള സമ്പാദ്യങ്ങള് ഉപേക്ഷിച്ച് നാടുവിടേണ്ട സ്ഥിതിയിലാണ്. കോടിക്കണക്കിന് രൂപയുടെ നഷ്ടമാണ് സംഘപ്രവര്ത്തകര്ക്ക് ഈ മേഖലയില് ഉണ്ടായിരിക്കുന്നത്. പല വീടുകളും ആദ്യമായിട്ടല്ല സിപിഎം സംഘം അക്രമിച്ചിരിക്കുന്നത്. തുടര്ച്ചയയായി അക്രമിച്ചു കൊണ്ടിരിക്കുകയാണ്. കൊളളസംഘത്തെപ്പോലെയാണ് സിപിഎം പെരുമാറുന്നത്. കഴിഞ്ഞ കാലങ്ങളിലൊന്നുമില്ലാത്ത അക്രമ ശൈലിയാണ് സിപിഎം പിന്തുടരുന്നത്. സ്ത്രീകളേയും കുട്ടികളേയും ഉള്പ്പെടെ അക്രമിക്കുകയാണ്. പിണറായി, വേങ്ങാട് മേഖലകളില് ഉണ്ടായ അക്രമങ്ങളില് 17 സ്ത്രീകളാണ് പരിക്കേറ്റ് തലശ്ശേരിയിലെ വിവിധ ആശുപത്രികളില് ചികിത്സയില് കഴിയുന്നത്. 3 മാസം പ്രായമായ കുഞ്ഞിനെ ഭീഷണിപ്പെടുത്തിയ സിപിഎം അക്രമിസംഘം ഗര്ഭിണിയായ യുവതിയെപ്പോലും കൈയ്യേറ്റം ചെയ്തു. കാര്ഷിക വിഭവങ്ങള് വ്യാപകമായി നശിപ്പിച്ചു. പോലീസാവട്ടെ ഈ പ്രദേശങ്ങളിലൊന്നും തിരിഞ്ഞു നോക്കിയില്ലെന്നു മാത്രമല്ല അക്രമികള്ക്ക് പ്രചോദനമാകുന്ന നിലപാടാണ് പിന്തുടര്ന്നത്. ആഭ്യന്തര വകുപ്പ് അക്രമികള്ക്ക് കൂട്ടുനില്ക്കുകയാണ്. ബിജെപി-ആര്എസ്എസ് പ്രവര്ത്തകരെ ജീവിക്കാന് അനുവദിക്കില്ലെന്ന നിലപാടിലാണ് സിപിഎം. മുഖ്യമന്ത്രിയുടെ നാട്ടില് നടക്കുന്ന ഇത്തരം സംഭവങ്ങള് മുഖ്യമന്ത്രിയുടെ അനുവാദത്തോടെയാണ് നടക്കുന്നത്. അച്ഛനെ കൊന്ന സിപിഎം സംഘം മകനേയും കൂടി കൊലപ്പെടുത്തിയതിലൂടെ സമാനതകളില്ലാത്ത ക്രൂരതയാണ് ഉത്തമന്റെ കുടുംബത്തോട് ചെയ്തിരിക്കുന്നത്. കൂത്തുപറമ്പിലെ മറ്റൊരു ബലിദാനിയായ മോഹനന്റെ മകളെ കൊല്ലുമെന്ന് ഭീഷണിപ്പെടുത്തിയ സിപിഎം ബലിദാനികളുടെ മക്കള്ക്കു നേരേയും അക്രമങ്ങള് നടത്തി പുതിയൊരു അക്രമരീതി നടപ്പാക്കുകയാണ്. സിപിഎമ്മിന്റെ അക്രമണത്തിനു മുന്നില് മുട്ടുമടക്കാന് സംഘപരിവാര് സംഘടനകള് തയ്യാറല്ല. നീതിന്യായ വ്യവസ്ഥയെ അട്ടിമറിച്ച സിപിഎം മുഖ്യമന്ത്രിയുടെ പഞ്ചായത്തിലെ ജനങ്ങള്ക്ക് നീതി ലഭിക്കാത്ത സ്ഥിതിയാണ് സംജാതമാക്കിയിരിക്കുന്നത്. ജനാധിപത്യത്തിന്റെ കശാപ്പുശാലയായി കണ്ണൂരിനെ സിപിഎം മാറ്റിയിരിക്കുകയാണ്. സിപിഎമ്മിന്റെ ഇത്തരം അക്രമങ്ങള്ക്കെതിരെ ബിജെപി ജനാധിപത്യപരമായ രീതിയില് പ്രതിഷേധിക്കുമെന്നും അദ്ദേഹം പറഞ്ഞു.
സിപിഎം കണ്ണൂരില് നടത്തുന്നത് ചമ്പല് താഴ്വരയിലെ കൊളളക്കാരെ പോലും ലജ്ജിപ്പിക്കുന്ന അക്രമം : പി.കെ.കൃഷ്ണദാസ്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.