ഇസ്ലാമബാദ്: നവാസ് ഷെരീഫ് സര്ക്കാരിനും സൈന്യത്തിനും കടുത്ത വിമര്ശനവുമായി പാക് പത്രം ദ നേഷന്. ഭീകരരായ ഹാഫീസ് സെയ്ദ്, മസൂദ് അസര് എന്നിവര്ക്കെതിരെ നടപടി എടുത്താല് അത് എങ്ങനെ രാജ്യസുരക്ഷയ്ക്ക് ഭീഷണിയാകുമെന്നും പത്രം ചോദിക്കുന്നു.
സര്ക്കാരും സൈന്യവും പത്രങ്ങളെ പഠിപ്പിക്കാന് ശ്രമിക്കുകയല്ല, ഹാഫീസ് സെയ്ദ്, മൗലാനാ മസൂദ് അസര് എന്നിവര്ക്കെതിരെ നടപടി എടുക്കുകയാണ് വേണ്ടത്, മുഖപ്രസംഗത്തില് തുടരുന്നു. ഡോണ് പത്രത്തിന്റെ പത്രാധിപര് സിറില് അല്മെയ്ഡ വിദേശത്ത് പോകുന്നത് വിലക്കിയ സര്ക്കാര് നടപടിയെ വിമര്ശിച്ചാണ് മുഖപ്രസംഗം.
അല്മെയ്ഡയുടെ റിപ്പോര്ട്ട് നിഷേധിക്കാനാണ് ശ്രമം. റിപ്പോര്ട്ട് ഊഹാപോഹമാണെന്നും കെട്ടിച്ചമച്ചതാണെന്നുമാണ് വാദം. എന്നാല് പാക്കിസ്ഥാനി, നിരോധിക്കപ്പെട്ട ഭീകരസംഘടനകളുടെ സാന്നിധ്യത്തിലുള്ള അശങ്കയെപ്പറ്റി ഇവര്ക്കൊന്നും പറയാനില്ല. മസൂദ് അസറിനും ഹാഫീസ് സെയ്ദിനും എതിരെ നടപടി എടുക്കുന്നത് എങ്ങനെ രാജ്യസുരക്ഷയെ ബാധിക്കുമെന്നും അവര് പറയുന്നില്ല.
പാക്കിസ്ഥാന് കൂടുതല് കൂടുതല് ഒറ്റപ്പെടുന്നത് എന്തുകൊണ്ടെന്നും അവര് പറയുന്നില്ല. തങ്ങള് ഭീകരര്ക്ക് താളം നല്കുന്നില്ലെന്ന പാക്കിസ്ഥാന്റെ വാദം ഖണ്ഡിച്ച് നേഷന് ചോദിക്കുന്നു. ഇതിനു പകരം റിപ്പോര്ട്ടറെ ക്രിമിനലിനെപ്പോലെയാണ് ചിത്രീകരിക്കുന്നത്. മുഖപ്രസംഗത്തില് പറയുന്നു.
