കോട്ടയം: ന്യൂനപക്ഷങ്ങളില് ജനസംഖ്യ കുറവുള്ള പാഴ്സികളെയാണ് ന്യൂനപക്ഷങ്ങ ള് മാതൃകയാക്കേണ്ടതെന്ന് ജസ്റ്റിസ് കെ.ടി. തോമസ് അഭിപ്രായപ്പെട്ടു. ന്യൂനപക്ഷ മോര്ച്ച ജില്ലാക്കമ്മറ്റി സംഘടിപ്പിച്ച മതന്യൂനപക്ഷവും മതേതരത്വവും എന്ന സെമിനാര് ഉദ്ഘാടനം ചെയ്യുകയായിരുന്നു അദ്ദേഹം.
പൂര്ണ്ണമായി ഇന്ത്യന് ജനതയില് ലയിച്ചുചേരാനാണ് ആഗ്രഹമെന്നും അതുകൊണ്ട് ഔദ്യോഗിക കാര്യത്തില് മതത്തെ കൊണ്ടുവരാന് പാടില്ലെന്ന നിലപാടാണ് അവര്ക്കുള്ളത്. പൊതുസദാചാരം, പൊതു ആരോഗ്യം, പൊതു നിയമപരിപാലനം, മൗലിക അവകാശങ്ങള് എന്നിവയ്ക്ക് ശേഷമേ മതത്തിന് സ്ഥാനമുള്ളു. ഭരണഘടനയില് ന്യൂനപക്ഷങ്ങള് നിര്മ്മിക്കപ്പെട്ടില്ലെന്നും ജസ്റ്റിസ് കെ.ടി. തോമസ് അഭിപ്രായപ്പെട്ടു.ബിജെപി സംസ്ഥാന വൈസ് പ്രസിഡന്റ് അഡ്വ. ജോര്ജജ് കുര്യന്, ന്യൂനപക്ഷ മോര്ച്ച സംസ്ഥാന പ്രസിഡന്റ് ജിജി ജോസഫ്, ജയകൃഷ്ണന്, പ്രിന്സ് മാത്യു പോളയ്ക്കല് (ന്യൂനപക്ഷ മോര്ച്ച, ജില്ലാ ജനറല് സെക്രട്ടറി), അദ്ധ്യക്ഷന് തോമസ് കിഴക്കേടത്ത് (ന്യൂനപക്ഷ മോര്ച്ച ജില്ലാ പ്രസിഡന്റ്), മോഡറേറ്റര് പ്രൊഫ. സി.ഐ. ഐസക്, ,വലിയാര് പ്രൊഫ. ടി.സി. തോമസ്, ഫാ. കുര്യന് മാത്യു വടക്കേപ്പറമ്പില്,എന്. ഹരി (ബിജെപി ജില്ലാ പ്രസിഡന്റ്), ജിജോ ജോസഫ്, അന്നമ്മ കുരുവിള (ന്യൂനപക്ഷ മോര്ച്ച സംസ്ഥാന സെക്രട്ടറിമാര്), നാസര് റാവൂത്തര് (ന്യൂനപക്ഷ മോര്ച്ച ജില്ലാ ജന: സെക്രട്ടറി) എന്നിവര് പങ്കെടുത്തു.
