എടക്കര: മന്ത്രതന്ത്ര വിദ്യാപീഠം ഗുരുകുലത്തിന്റെ താന്ത്രിക പൂജാപഠനം പുതിയ ബാച്ച് 11ന് ആരംഭിക്കും. വിജയദശമി ദിനത്തില് രാവിലെ ഒന്പത് മണിക്ക് എടക്കര ദുര്ഗ്ഗാക്ഷേത്രത്തിലാണ് വിദ്യാരംഭ ചടങ്ങുകള് നടക്കുക.
തന്ത്രി ഡോ.ഗോപിനാഥശര്മ്മ നേതൃത്വം നല്കും. ജാതിഭേദമന്യേയുള്ള പൂജാപഠനം എല്ലാ ഞായറാഴ്ചകളിലും തേഞ്ഞിപ്പലം, പെരിന്തല്മണ്ണ, എടക്കര എന്നീ കേന്ദ്രങ്ങളില് സൗജന്യമായാണ് നടത്തുന്നത്. നിത്യാനുഷ്ഠാനം, സന്ധ്യാവന്ദനം, ലഘുപൂജ, ഗണപതിഹോമം ക്ഷേത്രപൂജ എന്നിവ പ്രഥമശ്രേണയില് പാഠ്യവിഷയങ്ങളാണ്.
പൂജകഭൂഷണ്, പൂജക തിലകം, പൂജക ശിരോമണി എന്നീ ഉപരി കോഴ്സുകള്ക്കുള്ള അടിസ്ഥാന യോഗ്യതയായ പൂജകന് കോഴ്സാണ് ഇപ്പോള് ആരംഭിക്കുന്നത്. 18 കഴിഞ്ഞവര്ക്ക് അപേക്ഷിക്കാം. കൂടുതല് വിവരങ്ങള്ക്ക് ബന്ധപ്പെടുക 8606120637, 9496197132.
