ഇസ്ലാമാബാദ്: പാക്കിസ്ഥാനിലെ കറാച്ചി- ലാഹോര് പ്രദേശത്തിന് മുകളിലൂടെയുള്ള വ്യോമപാത അടയ്ക്കുന്നു. ഈ മാസം എട്ടു മുതല് രണ്ടാഴ്ചത്തേക്ക് അടയ്ക്കുക. ദിവസവും 18 മണിക്കൂര് പാത അടച്ചിടും. സൈനിക നീക്കവുമായി ബന്ധപ്പെട്ടാണ് നടപടി. ഈ സമയത്ത് വാണിജ്യ വിമാനങ്ങള്ക്കു മാത്രമായിരിക്കും സര്വീസ് നടത്താന് അനുമതിയുണ്ടാകുക.
ഉറി ആക്രമണത്തിന്റെ പശ്ചാത്തലത്തില് ഇന്ത്യ അതിര്ത്തി കടന്ന് നടത്തിയ സര്ജിക്കല് സ്ട്രൈക്കിനെ തുടര്ന്നാണ് പാക്കിസ്ഥാന് സുരക്ഷാ നടപടികള് ശക്തമാക്കുന്നത്. പാക്ക് അധിനീവേശ കശ്മീരിനു മുകളിലൂടെയുള്ള വ്യോമപാതയും നേരത്തെ നിരോധിച്ചിരുന്നു.
പാക്കിസ്ഥാനിലെ വ്യോമപാത അടച്ചിടുന്നത് ആദ്യമായല്ലെങ്കിലും ഇത്രയും ദീര്ഘമായ കാലാവധിയിലേക്ക് നിരോധനം ഏര്പ്പെടുത്തുന്നത് സമീപകാലത്ത് അസാധാരണമാണ്.
സര്ജിക്കല് സ്ട്രൈക്കിന് ബദലായി പാക്കിസ്ഥാന് ആക്രമണത്തിനൊരുങ്ങുമെന്ന സൂചനകള് നിലനില്ക്കെ പുതിയ സംഭവവികാസങ്ങളെ ജാഗ്രതയോടെയാണ് ഭാരതം കാണുന്നത്. എന്നാല് ഇത് പാക്ക് വ്യോമസേന എല്ലാ വര്ഷവും നടത്തുന്ന പരിശീലനം മാത്രമാണെന്ന് എയര് ചീഫ് മാര്ഷല് അരൂപ് സാഹ പറഞ്ഞു.
യൂറോപ്, മിഡില് ഈസ്റ്റ് എന്നിവിടങ്ങളില് നിന്ന് ഏഷ്യയിലേക്കുള്ള പ്രധാന വ്യോമപാതയാണ് പാക്കിസ്ഥാന്. എന്നാല് ബദല് പാത സ്വീകരിച്ചതിനാല് വിലക്ക് ബാധകമാകില്ലെന്ന് ഭാരത സേന വ്യോമസേന വ്യക്തമാക്കി.
