കോഴഞ്ചേരി: ആറന്മുള പഞ്ചായത്തിന്റെ പെന്ഷന് വിതരണം കാര്യക്ഷമമാക്കുക, പള്ളിയോടങ്ങളുടെ ഗ്രാന്റ് വിതരണം അടിയന്തിരമായി നടപ്പിലാക്കുക തുടങ്ങിയ ആവശ്യങ്ങള് ഉന്നയിച്ച് ബിജെപി പഞ്ചായത്ത് കമ്മിറ്റിയുടെ നേതൃത്വത്തില് പഞ്ചായത്ത് ഓഫീസിന് മുന്നില് ധര്ണ്ണ നടത്തി. ജില്ലാ പ്രസിഡന്റ് അശോകന്കുളനട ഉദ്ഘാടനം ചെയ്തു. ആറന്മുള പഞ്ചായത്തില് ഭരണ പരാജയം മൂലം ജനകീയാസൂത്രണങ്ങളും വികസന പദ്ധതികളും അവതാളത്തിലാകുന്നതായും സിപിഎം പഞ്ചായത്തുകളിലെല്ലാം സ്ഥിതി വളരെ ദയനീയമാണെന്നും ധര്ണ്ണ ഉദ്ഘാടനം ചെയ്തു അദ്ദേഹം പറഞ്ഞു. പഞ്ചായത്ത് കമ്മിറ്റി പ്രസിഡന്റ് വി.സുരേഷ്കുമാര് അദ്ധ്യക്ഷതവഹിച്ചു. മഹിളാമോര്ച്ച ജില്ലാ വൈസ് പ്രസി രാധാമണിയമ്മ, ബിജെപി ജില്ലാ കമ്മിറ്റിയംഗം ടി.സി.രവികുമാര്, പഞ്ചായത്തംഗം വസന്ത്കുമാര് തുടങ്ങിയവര് സംസാരിച്ചു. കോട്ടയ്ക്കകം ജംഗ്ഷനില് നിന്നും ആരംഭിച്ച പ്രകടനത്തിന് നിയോജകമണ്ഡലം കമ്മിറ്റിയംഗം കെ.പി.അശോകന് , കര്ഷകമോര്ച്ച ജന.സെക്രട്ടറി പി.സുരേഷ്കുമാര്, ഗ്രാമപഞ്ചായത്ത് അംഗങ്ങളായ സുജ സുരേഷ്, കൃഷ്ണന്കുട്ടി, ബിജെപി ഭാരവാഹികളായ രാജശേഖരന്നായര്, അനില, കെ.എന്.ഗോപിനാഥപിള്ള, മാധവന്പിള്ള, ജയകുമാര്, രാജേഷ് മണിക്കുട്ടന്, ബാലകൃഷ്ണന് തുടങ്ങിയവര് നേതൃത്വം നല്കി.
പഞ്ചായത്ത് ഓഫീസിന് മുന്നില് ബിജെപി ധര്ണ്ണ നടത്തി
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.