മുഹമ്മ: ഭൗതിക ശാസ്ത്ര പഠനം രസകരമാക്കാന് പാഴ്വസ്തുക്കള് ഉപയോഗിച്ച് ശാസ്ത്രോപകരണങ്ങള് നിര്മിച്ച് നടന്ന ശില്പ്പശാല ശ്രദ്ധേയമായി. കലവൂര് ഗവ:ഹയര്സെക്കണ്ടറി സ്കൂളിന്റെ നേതൃത്വത്തില് സംഘടിപ്പിച്ച ശില്പ്പശാലയില് ആലപ്പുഴ മണ്ഡലത്തിലെ 18 ഹൈസ്കൂളുകളിലെ ഭൗതീക ശാസ്ത്ര അധ്യാപകരാണ് പങ്കെടുത്തത്. ഉപയോഗ ശൂന്യമായ പി വി സി പൈപ്പ്,ബലൂണ്,സി ഡി,ആക്സോബ്ലെയ്ഡ്,ബോള് ഐസ്ക്രീം പാത്രം,പെന്സില് പേപ്പര്പ്ലമ്പിംഗ് ത്രെഡ്സീല് എന്നിവ ഉപയോഗിച്ചാണ് പരീക്ഷണ ഉപകരണങ്ങള് നിര്മ്മിച്ചത്. ആക്സോ ബ്ലെയ്ഡ് ഉപയോഗിച്ച് അനുനാദവും സി ഡി ഉപയോഗിച്ച് വര്ണ്ണപമ്പരം,പി വി സി പൈപ്പും പേനയും ബലൂണും കൊണ്ട് ശബ്ദാവര്ത്തി,സീരീസ് പാരലല്,എല് ഇ ഡി ഉപയോഗിച്ച് പ്രകാശ വര്ണ്ണ സംയോജന ഉപകരണം,പ്ലമ്പര് ത്രെഡ്സീല് ഉപയോഗിച്ച് മ്യൂച്ചല് ഇന്റക്ഷന് ,പേപ്പറും ഗ്ലാസും കൊണ്ടുള്ള റസനന്സ് ഉപകരണം, കാന്തവും പെന്സിലും കൊണ്ടുള്ള മാഗ്ലെവ്,മൊബൈല് ഫോണിന്റെ പ്രകാശം കാര്ഡ് ബോര്ഡ് സുഷിരത്തിലൂടെ കടത്തിവിട്ട് പ്രിസത്തില് തട്ടി മഴവില്ല് വിരിയുന്നതും കൗതുകക്കാഴ്ചയായി.
സ്കൂള് ലാബുകളില് ഈ ഉപകരണങ്ങള് വാങ്ങുന്നതിന് ചെലവേറെയാണ്. എന്നാല് പാഴ് വസ്തുക്കള് കൊണ്ട് ഉണ്ടാക്കിയ ഉപകരണങ്ങള് 1000 രൂപപോലും ആകുന്നില്ല. പൊതുവിദ്യാലയങ്ങള് മികവിന്റെ കേന്ദ്രങ്ങളാക്കാന് നിരവധി പദ്ധതികളാണ് സര്ക്കാര് അധ്യാപകര്ക്കായി ഇത്തരം ശില്പ്പശാലകള് സംഘടിപ്പിച്ച് വരുന്നതെന്ന് സ്റ്റേറ്റ് റിസോഴ്സ് പേഴ്സണും നാദാപുരം ഉമ്മത്തൂര് ഹൈസ്കൂളിലെ അദ്ധ്യാപകനുമായ പ്രശാന്ത് കോഴിക്കോട് പറഞ്ഞു.
