പത്തനംതിട്ട: നക്ഷത്ര ആമയെ പിടികൂടി വില്പ്പനയ്ക്ക് ശ്രമിച്ച രണ്ടുപേരെ പിടികൂടി. ഹരിപ്പാട് ചിറയില് അജയന്(34)മേലേപ്പറമ്പില് ശിവരാജന്(രാജന് 46) എന്നിവരെയാണ് ഇന്നലെ ഹരിപ്പാടുനിന്നും റാന്നി റേഞ്ച് ഓഫീസര് സി.കെ.ഹാബിയുടെ നേതൃത്വത്തില് പിടികൂടിയത്. രണ്ടുദിവസമായി ആമയെ ഹരിപ്പാടും പരിസരത്തും ഇവര് വില്പ്പനയ്ക്കായി കൊണ്ടുനടക്കുന്നത് ശ്രദ്ധയില്പെട്ട നാട്ടുകാരാണ് വനപാലകരെ വിവരം അറിയിച്ചത്. ഇവരെ പിടികൂടുന്നതിന് തിരുവനന്തപുരം കേന്ദ്രമായ വനം ഇന്റലിജന്സ് ഉദ്യോഗസ്ഥരുടെ സഹായവും തേടിയിരുന്നു. ഉദ്ദേശം 25 വയസ്സ് പ്രായം വരുന്ന ആമയെ കടലില് മീന്പിടിക്കുന്നതിനിടെ കിട്ടിയതാണെന്നാണ് പ്രതികള് വനപാലകരെ അറിയിച്ചത്. ഇരുവരേയും ഇന്നലെ റാന്നി ഫോറസ്റ്റ് സ്റ്റേഷനിലെത്തിച്ചു. ഇവരെ ഇന്ന് കോടതിയില് ഹാജരാക്കും.
റേഞ്ച് ഓഫീസറെ കൂടാതെ ഡെപ്യൂട്ടി റോഞ്ച് ഓഫീസര് പി.കെ.മോഹനന്നായര്, അരുണ്കുമാര്, കെ.അശോകന്, നിവിന് എന്നിവരും സംഘത്തിലുണ്ടായിരുന്നു.
