തിരുവനന്തപുരം: സ്റ്റാച്യുവിലെ ശാന്തിനഗറില് താമസസ്ഥലത്ത് പാര്ക്ക് ചെയ്തിരുന്ന മാധ്യമപ്രവര്ത്തകന് ഷബീറിന്റെ കാര് കേടാക്കുകയും നമ്പര് പ്ലേറ്റ് എടുത്തുമാറ്റുകയും ചെയ്തവര്ക്കെതിരെ കര്ശന നടപടി സ്വീകരിക്കണമെന്ന് കേരളപത്രപ്രര്ത്തക യൂണിയന് ജില്ലാപ്രസിഡന്റ് സി. റഹിം, സെക്രട്ടറി ബി.എസ്. പ്രസന്നന് എന്നിവര് മുഖ്യമന്ത്രിയോട് ആവശ്യപ്പെട്ടു.
വാഹനത്തിന്റെ മുമ്പിലും പിന്നിലും പ്രസ്സ് സ്റ്റിക്കര് പതിച്ചിരുന്ന സ്വിഫ്റ്റ് കാറാണ് നശിപ്പിക്കപ്പെട്ടത്. ഇതിന്റെ പിന്നില് പ്രവര്ത്തിച്ചവരെ നിയമത്തിന്റെ മുമ്പില് കൊണ്ടുവരണം. മാധ്യമഓഫീസിന് സമീപം രാത്രിഡ്യൂട്ടിക്ക് എത്തുന്നവര് സാധാരണ കാര് പാര്ക്ക് ചെയ്യാറുള്ളതാണ്. എന്നാല് അജ്ഞാതവാഹനമാണെന്ന് പോലീസിനെ തെറ്റിദ്ധരിപ്പിച്ച് കാര് കസ്റ്റഡിയിലെടുപ്പിച്ച റസിഡന്സ് അസോസിയേഷന്റെ നടപടി ദുരൂഹമാണ്. ഷെബിര് കാര് മോഷണം പോയതായി കാണിച്ച് പരാതിനല്കുമ്പോള് മാത്രമാണ് തമ്പാനൂര് പോലീസിന്റെ സ്റ്റേഷനില് കാറുണ്ടെന്ന് അറിയുന്നത്. കാര് നശിപ്പിച്ചവര്ക്കെതിരെ കര്ശനനിയമനടപടി സ്വീകരിക്കുകയും റസിഡന്സ് അസോസിയേഷന്റെ പ്രവര്ത്തനം പരിശോധിക്കുകയും ചെയ്യണമെന്ന് കെയുഡബ്ലുജെ ജില്ലാകമ്മറ്റി ആവശ്യപ്പെട്ടു.
