കൊച്ചി: ഗണേശോത്സവ് ട്രസ്റ്റിന്റെ ആഭിമുഖ്യത്തില് ഒരാഴ്ചയായി നടന്നു വന്ന ഗണേശോത്സവം ഇന്ന് വൈകിട്ട് ആറിന് പുതുവൈപ്പില് മഹാനിമജ്ജനയജ്ഞത്തോടെ സമാപിക്കും. ഇന്ന് വൈകിട്ട് 4 മണിയ്ക്ക് ശിവക്ഷേത്ര സമുച്ചയത്തില് ടി.രാജേന്ദ്ര പ്രസാദിന്റെ അധ്യക്ഷതയില് നടക്കുന്ന ചടങ്ങില് ഗണേശോത്സവത്തിന്റെ ഉദ്ഘാടനം കാവ്യാ മാധവന് നിര്വഹിക്കും.
ഗണേശോത്സവ ഘോഷയാത്രയുടെ ഉദ്ഘാടനം നടന് ദേവന് നിര്വഹിക്കും. ഗണേശ നാട്യ പുരസ്കാരം ഡോ. സുനില് നെല്ലായിക്ക് കാവ്യാമാധവന് സമ്മാനിക്കും. കലാക്ഷേത്ര വിലാസിനി, ബേബി എം മാരാര്, ഡോ. സുനില് നെല്ലായി, സംവിധായകന് ജി.എ.രാജീവ്നാഥ് എന്നിവരെ ആദരിക്കും.
തുടര്ന്ന് ശിവക്ഷേത്രത്തില് നിന്ന് പുതുവൈപ്പ് സുബ്രഹ്മണ്യ സ്വാമി ക്ഷേത്രത്തിലേക്ക് ഗണേശഘോഷയാത്ര ആരംഭിക്കും. വൈകിട്ട് 6.30 ന് പുതുവൈപ്പില് നടക്കുന്ന സാംസ്കാരിക സമ്മേളനവും പുരസ്ക്കാര സമര്പ്പണ ചടങ്ങും പ്രതിപക്ഷ നേതാവ് രമേശ് ചെന്നിത്തല ഉദ്ഘാടനം ചെയ്യും. ജസ്റ്റിസ് കെ.കെ.ദിനേശന് മുഖ്യപ്രഭാഷണം നടത്തും.
സൂര്യകാലടി സൂര്യന് ജയസൂര്യയന് ഭട്ടതിരിപ്പാടിന് ഗണേശോത്സവ ട്രസ്റ്റ് പുരസ്ക്കാരം രമേശ് ചെന്നിത്തല സമ്മാനിക്കും. മഹാനിമജ്ജനയജ്ഞത്തിന് സുകുമാരന് തന്ത്രികള് മുഖ്യ കാര്മികത്വം വഹിക്കും. കെ. എസ് രമേശ് അധ്യക്ഷത വഹിക്കും ടി.ആര്.ദേവന്, പി.എസ്. സുനില്കുമാര് തുടങ്ങിയവര് സംബന്ധിക്കും.
