ഗീത നാലാമദ്ധ്യായം പത്താം ശ്ലോകം ശ്രീകൃഷ്ണ ഭഗവാന്റെ അവതാരങ്ങളടങ്ങിയ ലീലകളും ദിവ്യങ്ങളാണ്. ആത്മീയ തലത്തിലാണെന്ന് ജ്ഞാനം ബുദ്ധി മണ്ഡലങ്ങളില് ഉറച്ചുകഴിഞ്ഞ് അനേകം ഭക്തന്മാര് എന്റെ ഭാവത്തില് എത്തിച്ചേര്ന്നിട്ടുണ്ട്. എന്നാണ് ഭഗവാന് പറയുന്നത്. ആജ്ഞാനം അഗ്നിയെപ്പോലെ പ്രവര്ത്തിക്കും എന്ന് പറയുന്നു. ”ജ്ഞാനതപസാ” എന്ന്. തപസ്സ് എന്നതിന് ചൂട് ചൂടാക്കുന്നത് എന്നും അര്ത്ഥമുണ്ട്. ഭഗവാന് ഈ അദ്ധ്യായത്തില് പറയുന്നു.
”ജ്ഞാനാഗ്നിഃ സര്വ കര്മ്മാണി
ഭസ്മ സാത് കുരുതേ തഥാ”
ജ്ഞാനമാകുന്ന അഗ്നി നമ്മുടെ എല്ലാകര്മ്മങ്ങളെ ഭസ്മമാക്കുന്നു. ആഗ്രഹങ്ങളുടെ ബീജം-വിത്ത്- ആണ് കര്മ്മങ്ങള്. ആ കര്മ്മങ്ങളെ ജ്ഞാനാഗ്നി ഭസ്മീകരിക്കുന്നു. അങ്ങനെ പ്രാപിച്ച ഭക്തന്മാരെ- രാഗവും (സ്നേഹവും) ഭയവും ക്രോധവും വിട്ട് ഒഴിഞ്ഞുപോയി എന്നു പറയുന്നു.
