തലശ്ശേരി: എസ്എഫ്ഐക്കാരുടെ അഴിഞ്ഞാട്ടം രൂക്ഷമായതോടെ ഗവ.ബ്രണ്ണന് കോളേജ് മെന്സ് ഹോസ്റ്റല് അധികൃതര് അടച്ചുപൂട്ടി. ഇത് കാരണം കാസര്കോട്, വയനാട്, അന്തമാന് നിക്കോബാര് എന്നിവിടങ്ങളിലെ 86 കുട്ടികള് വഴിയാധാരമായി. ഇതില് ഭൂരിഭാഗവും എസ്സി, എസ്ടി വിഭാഗത്തില്പ്പെട്ടവരാണ്. ഇവര്ക്ക് താമസവും ഭക്ഷണവും ഇവിടെ സൗജന്യമാണ്. ഹോസ്റ്റല്പൂട്ടിയതോടെ ഈ വിദ്യാര്ത്ഥികള് ദുരിതമനുഭവിക്കുകയാണ്.
ഹോസ്റ്റലിലെ നാല് എസ്എഫ്ഐ വിദ്യാര്ത്ഥികളാണ് കഴിഞ്ഞ കുറേ ദിവസങ്ങളായി ഇവിടെ നിരന്തരം കുഴപ്പങ്ങള് സൃഷ്ടിക്കുന്നത്. മറ്റുവിദ്യാര്ത്ഥികളെ ദ്രോഹിക്കുന്ന ഈ നാല്വര് സംഘത്തിന് എതിരെ നിരവധി പരാതികള് ഉയര്ന്നിട്ടുണ്ടെങ്കിലും ഒരു നടപടിയും അധികൃതര് സ്വീകരിച്ചിട്ടില്ല. കഴിഞ്ഞ ദിവസം മറ്റൊരു എസ്എഫ്ഐ പ്രവര്ത്തകനെ ഈ നാല്വര് സംഘം അക്രമിച്ച് പരിക്കേല്പ്പിച്ചിരുന്നു. ഇത് ഹോസ്റ്റലിലെ സമാധാന അന്തരീക്ഷം നഷ്ടപ്പെട്ടുത്തുന്നതരത്തിലായി. ഇതോടെയാണ് ഹോസ്റ്റല് അടച്ചിട്ടത്. സമാധാന അന്തരീക്ഷം നിലിര്ത്താനായാല് ഹോസ്റ്റല് തറക്കുമെന്ന് ഹെഡ്വാര്ഡന് അബ്ദുള് അസീസ് പറഞ്ഞു.
