കൊച്ചി: ശ്രീകൃഷ്ണജയന്തി ബാലദിനാഘോഷങ്ങള്ക്ക് തുടക്കം കുറിച്ച് ബാലഗോകുലം ജില്ലയില് 312 കേന്ദ്രങ്ങളില് പതാകദിനാചരണം നടത്തി. ഇടപ്പള്ളി, എറണാകുളം, കൊച്ചി , പള്ളുരുത്തി, മരട് , തൃപ്പൂണിത്തുറ, ചോറ്റാനിക്കര, തൃക്കാക്കര എന്നീ നഗരങ്ങളില് നടന്ന പതാകദിനാചരണത്തിന് ആയിരത്തി എഴുന്നൂറിലേറെ വരുന്ന ആഘോഷസമിതി ഗോകുലാംഗങ്ങള് നേതൃത്വം നല്കി. കലൂര് ജംഗഷനില് സംഘടിപ്പിച്ച പരിപാടിയില് ബാലഗോകുലം മാര്ഗദര്ശിയും ശ്രീകൃഷ്ണജയന്തി ബാലദിനാഘോഷപദ്ധതിക്ക് രൂപം നല്കിയവരിലൊരാളുമായ എം.എ.കൃഷ്ണന് പതാക ഉയര്ത്തി. ബാലഗോകുലം മേഖലാദ്ധ്യക്ഷന് ജീ.സതീശ്കുമാര് ജില്ലാദ്ധ്യക്ഷന് മേലേത്ത് രാധാകൃഷ്ണന്, സി.ജി. രാജഗോപാല്, പി.വി. അതികായന് എന്നിവര് നേതൃത്വം നല്കി. വിവിധ പ്രദേശങ്ങളില് പതാകദിനാചരണത്തോടനുബന്ധിച്ച് ഉറിയടി, ഗോപൂജ, നഗരസങ്കീര്ത്തനം എന്നിവ നടന്നു.
മരട്: ശ്രീകൃഷ്ണ ജയന്തി ബാലദിനാഘോഷത്തോട് അനുബന്ധിച്ചുള്ള ബാലഗോകുലം മരട് നഗരത്തിന്റെ ആഭിമുഖ്യത്തില് വിവിധ സ്ഥലങ്ങളില് പതാകദിനം ആഘോഷിച്ചു. പൂണിത്തുറ, പൂണിത്തുറ കൊട്ടാരം, ഇഞ്ചക്കല്, ജയന്തിറോഡ്, മരട് കൊട്ടാരം, മരട് തെക്ക്, അയിനി, കുണ്ടന്നൂര് ജംഗ്ഷന്, കുണ്ടന്നൂര് വടക്ക്, കുമ്പളം, കുമ്പളം സെന്റര്, കുമ്പളം നോര്ത്ത്, കുമ്പളം സൗത്ത്, ഉദയത്തുംവാതില്, ചേപ്പനം, പനങ്ങാട്, വ്യാസപുരം, നെട്ടൂര് എന്നിവിടങ്ങളില് പതാക ഉയര്ത്തി. ബാലഗോകുലം തിരുനെട്ടൂരിന്റെ ആഭിമുഖ്യത്തില് തിരുനെട്ടൂര് മഹാദേവര് ക്ഷേത്രത്തിനു മുന്പില് നടന്ന ആഘോഷത്തില് മരട് നഗരസഭ ചെയര്പേഴ്സണ് ദിവ്യ അനില്കുമാര് പതാക ഉയര്ത്തി.
കളമശേരി: ഏലൂര് നാറാണത്ത് വാദ്യ കുലപതി കുട്ടന്മാരാര് പതാക ഉയര്ത്തി. തുടര്ന്ന് വാദ്യകുലപതിയായ കുട്ടന്മാരാരെ ആദരിച്ചു. രക്ഷാധികാരി വി.വി. പ്രകാശന് നിധിപ്രമുഖ് പി.ബി മുരളി, പി.ജി. രമേഷ്, ഐ.ആര്. രാജേഷ്, കെ.ആര്.കെ. പ്രസാദ്, ഏലൂര് നഗര് സേവാപ്രമുഖ് ബി. ജയന് തുടങ്ങിയവര് നേതൃത്വം നല്കി. ഏലൂര് ഫാക്ടറി ജംഗ്ഷനില് ടി പി രാംദാസ് പതാക ഉയര്ത്തി. മുപ്പത്തടം സന്ദീപനി ബാലഗോകുലത്തിന്റെ അഘോഷ പരിപാടികള്ക്ക് ആര്.എല്.വി കൃഷ്ണകുമാര് ഭദ്രദീപം തെളിച്ചു. ഇന്നലെ എല്ലാ ക്ഷേത്രങ്ങളിലും പതാക ഉയര്ത്തി. മുപ്പത്തടം ജംഗ്ഷനില് ബാല ഗോകുലത്തിന്റെ ഗോകുല് പതാക ഉയര്ത്തി. ഇന്ന് വൈകീട്ട് 5 മണിക്ക് ഗോപൂജയും മുപ്പത്തടം ചന്ദ്രശേഖരപുരം ഊട്ടുപുര ഹാളില് സാംസ്കാരിക സമ്മേളനവും നടക്കും. 24ന് രാവിലെ 4 മണിക്ക് ഗ്രാമസങ്കീര്ത്തനവും വൈകീട്ട് 4 മണിക്ക് എരമം ഭദ്രകളീ ക്ഷേത്രം, കാരോത്ത് കുന്ന് ബാല സുബ്രഹ്മണ്യ ക്ഷേത്രം, കൃഷ്ണപുരം ക്ഷേത്രം, കണ്ണോത്ത് ശ്രീകൃഷ്ണ ക്ഷേത്രം തുടങ്ങിയ ക്ഷേത്രങ്ങളില് നിന്നും ആരംഭിക്കുന്ന ശോഭയാത്ര കൈനിക്കര ശ്രീകൃഷ്ണ ക്ഷേത്ര സന്നിധിയില് എത്തിച്ചേരുമെന്ന് ആഘോഷപ്രമുഖ് സനൂപ് ശിവദാസന്, നിധിപ്രമുഖ് രഞ്ജിത് മണലേല് എന്നിവര് അറിയിച്ചു.
പള്ളുരുത്തി: പള്ളുരുത്തി നഗരത്തില് 41 ഇടങ്ങളില് ബാലഗോകുലം പ്രവര്ത്തകര് പതാകയുയര്ത്തി പള്ളുരുത്തി, ഇടക്കൊച്ചി, കുമ്പളങ്ങി, ചെല്ലാനം എന്നിവിടങ്ങളിലാണ് അമ്പാടിക്കണ്ണന്റെ ജന്മദിനത്തിനുമുന്നോടിയായുള്ള പതാക ദിനം ആഘോഷിച്ചു. പള്ളുരുത്തി മണ്ഡലത്തില് ഇരുഛക്രമുചക്രവാഹനങ്ങളുടെ അകമ്പടിയോടുകൂടിയെത്തിയ പ്രവര്ത്തകര് വിവിധയിടങ്ങളില് പതാകയുയര്ത്തി. ടി.പി.പത്മനാഭന്, കെ.ഡി.ദയാപരന്, പി.പി.മനോജ്, കെ.എന്.നന്ദകുമാര്, നവീന്നായ്ക്ക്, അജയ്നായ്ക്ക്, എം.എച്ച്.ഹരീഷ്, കെ.ഡി.കൃഷ്ണകുമാര് എന്നിവര് വിവിധസ്ഥലങ്ങളില് നേതൃത്വം നല്കി.
