നാദാപുരം: വാണിമേലില് ബാര്ബര് ഷോപ്പ് തീ വെച്ച് നശിപ്പിച്ചു. ഇന്നലെ പുലര്ച്ചയ്ക്ക് മൂന്ന് മണിയോടെ ആയിരുന്നു തീപ്പിടുത്തം .അസ്ലം വധക്കേസിലെ അക്രമികള് സഞ്ചരിച്ച ഇന്നോവ കാര് വാടകയ്ക്ക് എടുക്കാന് ഇടനിലക്കാരനായി നിന്ന യുവാവിന്റെ സഹോദരനായ വാണിമേല് സ്വദേശിപാറയുള്ളപറമ്പത്ത് സന്തോഷിന്റെ ബാര്ബര് ഷോപ്പാണ് പൂര്ണ്ണമായും കത്തി നശിച്ചത്. സമീപത്തെ ഹോട്ടല് തുറക്കാനെത്തിയ തൊഴിലാളികളാണ് കട കത്തുന്നത് കണ്ടത്. ഇവര് വളയം പോലീസില് അറിയിക്കുകയായിരുന്നു. പോലീസ് എത്തുമ്പോഴോക്കും കട പൂണ്ണമായുംകത്തി നശിച്ചിരുന്നു .ആറ് കസേര, എസി, ടിവി എന്നിവയും കത്തി നശിച്ചു. ഏകദേശം രണ്ടര ലക്ഷം രൂപയുടെ നഷ്ടം കണക്കാക്കുന്നു. സംഭവത്തില് പ്രതിഷേധിച്ച് വാണിമേലില് പതിനൊന്ന് മണിവരെ വ്യാപാരി വ്യവസായസമിതിയുംഏകോപനസമിതിയുംഹര്ത്താല് നടത്തി.മേഖലയില് അക്രമസംഭവങ്ങള് ഉണ്ടായേക്കാമെന്ന പ്രദേശത്ത് പോലീസ് സന്നാഹം ശക്തമാക്കി. നാദാപുരം സിഐ ജോഷി ജോസ്, വളയം എസ്ഐ എം.സി. പ്രമോദിന്റെ നേതൃത്വത്തില്
വന് പോലീസ്സ് സംഘം സ്ഥലത്ത് ക്യാമ്പ് ചെയ്യുന്നു. കടയുടെ ഷട്ടന്റെ പൂട്ട് തകര്ത്ത അക്രമികള് കട കുത്തിതുറന്ന് .
ഗ്ലാസ്സും മറ്റ് ഉപകരണങ്ങളും അടിച്ചു തകര്ത്തശേഷം പെട്രോള് ഒഴിച്ച് തീകൊടുക്കുകയായിരുന്നുവെന്നാണ് പ്രാഥമികനിഗമനം. ചേലക്കാട്ടുനിന്നു എത്തിയ അഗ്നിശമനസേന ഏറെ പണിപ്പെട്ടാണ് തീ അണച്ചത്.
