അമ്പലപ്പുഴ: ടാങ്കര് ലോറിയില് നിന്ന് വാതകം ചോര്ന്നു. നിര്ത്താതെ പോയ ലോറി പോലീസ് പിന്തുടര്ന്ന് പിടികൂടി. ബംഗളൂരില് നിന്ന് കൊല്ലത്തെ കെഎംഎംസിയിലേക്ക് കൊണ്ടുപോയ ഓക്സിജന് വാതകമാണ് ലോറിയില് നിന്നും ചോര്ന്നത്. ആലപ്പുഴ മെഡിക്കല് കോളേജിനു സമീപമാണ് വാഹനത്തില് നിന്നും ഓക്സിജന് ചോര്ന്നത്. സംഭവം കണ്ട നാട്ടുകാര് പുന്നപ്ര പോലീസില് വിവരം അറിയിച്ചെങ്കിലും പോലീസെത്തിയപ്പോള് ഡ്രൈവര് ലോറിയുമായി വളരെ ദൂരെ എത്തിയിരുന്നു. വിവരമറിഞ്ഞ അമ്പലപ്പുഴ പോലീസും ഫയര്ഫോഴ്സും ലോറിയെ പിന്തുടര്ന്ന് കരൂര് ഭാഗത്ത് ലോറി നിര്ത്തിച്ച് ചോര്ച്ച അടയ്ക്കുകയായിരുന്നു. ഫാക്ടറി ആവശ്യത്തിനുള്ള ഓക്സിജന് വാതകം അപകടഭീഷണി ഉയര്ത്തുന്നതല്ല. ലോറിയും ഡ്രൈവറെയും പോലീസ് കസ്റ്റഡിയിലെടുത്തു.
ടാങ്കര് ലോറിയില് നിന്ന് വാതകം ചേര്ന്നത് പരിഭ്രാന്തി പരത്തി
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.