കോഴിക്കോട്: വിദ്യാര്ത്ഥികളില് നല്ലശീലം വളര്ത്തുന്നതിനുളള ജില്ലാ പഞ്ചായത്ത് കര്മ പദ്ധതിക്ക് ചിങ്ങം ഒന്നിന് തുടക്കമാകും.
മദ്യം, മയക്കുമരുന്ന്, പുകയില ഉല്പന്നങ്ങള് തുടങ്ങിവയ്ക്കെതിരായ ബോധവല്ക്കരണമാണ് പദ്ധതിയുടെ പ്രധാന ലക്ഷ്യം. വിദ്യാലയ ശുചിത്വം, സമഗ്ര കായികക്ഷമത തുടങ്ങിയവയും പദ്ധതിയുടെ ഭാഗമായി നടപ്പാക്കും. സ്കൂള് ഹെല്ത്ത് ക്ലബ്, സ്കൗട്ട് ആന്റ് ഗൈഡ്സ്, എന്.എസ്.എസ്, സ്കുള് ആര്ട്ട്സ് ക്ലബ്, ജെ.ആര്.സി തുടങ്ങിയവയുടെ നേതൃത്വത്തിലാണ് പരിപാടി സംഘടിപ്പിക്കുക.
ലഹരിക്കെതിരായ പ്രചാരണത്തിന്റെ ഭാഗമായി സ്കൂളുകളില് കെ.ടി.മുഹമ്മദ് നാടക തിയറ്ററുകള് രൂപീകരിക്കും.
സ്കൂളിനു പുറമേ പ്രാദേശിക കേന്ദ്രങ്ങളിലും നാടക ട്രൂപ്പ് കലാപരിപാടികള് അവതരിപ്പിക്കും. സ്കൂള് ശുചിത്വം ഉറപ്പാക്കുന്നതിനുളള കര്മ പരിപാടിക്കും ജില്ലാ പഞ്ചായത്ത് ഊന്നല് നല്കും. സ്കൂളുകളില് ക്ലീന് ക്യാമ്പസ് പദ്ധതി ഇതിനായി ആവിഷ്കരിക്കും.
പദ്ധതിയുടെ ജില്ലാതല ഉദ്ഘാടനം പയമ്പ്ര ഗവണ്മെന്റ് ഹയര് സെക്കന്ററി സ്കൂളില് നടക്കും. ചിങ്ങം ഒന്നിന് ക്ലാസ്തല ഉദ്ഘാടനവും സമാന്തരമായി നടക്കും.
ആദ്യപിരീയഡില് ക്ലാസ് മുറികളില് വിദ്യാര്ത്ഥികള് ദീപമാല തീര്ത്ത് പ്രതിജ്ഞയെടുക്കും. വിവിധ ചുമതലക്കാര്ക്കായി പ്രത്യേക പരിശീലനവും സംഘടിപ്പിക്കും.
ആദ്യഘട്ടത്തില് സ്കൂള് ഹെല്ത്ത് ക്ലബ് കണ്വീനര്മാര്ക്കായി നടത്തിയ ശില്പശാല ജില്ലാ പഞ്ചായത്ത് പ്രസിഡന്റ് ബാബു പറശ്ശേരി ഉദ്ഘാടനം ചെയ്തു. ജില്ലാ പഞ്ചായത്ത് ഹാളില് നടന്ന പരിപാടിയില് വിദ്യാഭ്യാസ സമിതി കോ-ഓര്ഡിനേറ്റര് കെ.കെ. ശിവദാസന് അദ്ധ്യക്ഷനായി. വിദ്യാഭ്യാസ സമിതി അംഗം സി.കെ വാസു സംസാരിച്ചു.
പ്രതികരിക്കാൻ ഇവിടെ എഴുതുക: