കൊച്ചി: ഓണക്കാലത്ത് 2500 ഓണചന്തകളുമായി കണ്സ്യൂമര്ഫെഡ്. അത്തം മുതല് ഉത്രാടം വരെ പ്രവര്ത്തിക്കുന്ന രീതിയിലാണ് ഓണചന്ത തയ്യാറാക്കുന്നതെന്ന് മാനേജിംഗ് ഡയറക്ടര് ഡോ. എം. രാമനുണ്ണി വാര്ത്താസമ്മേളനത്തില് പറഞ്ഞു. പ്രാഥമിക സഹകരണ സംഘങ്ങളായിരിക്കും നേതൃത്വം നല്കുക. 40 ഇനങ്ങള് അടങ്ങുന്ന ഒരു ബാസ്ക്കറ്റാണ് പ്രാഥമിക സംഘങ്ങള് വഴി ലഭ്യമാക്കുന്നത്. ഇതില് 13 ഇനങ്ങള് സബ്സിഡി നിരക്കിലാണ് നല്കുന്നത്. കാര്ഡ് ഒന്നിന് അഞ്ച് കിലോ അരി, ഒരു കിലോ പഞ്ചസാര, രണ്ട് കിലോ പച്ചരി, 500 ഗ്രാം ചെറുപയര്, വന്പയര്, തുവരപ്പരിപ്പ്, കടല, ഉഴുന്ന്, ഉണക്കമുളക്, മല്ലി, വെളിച്ചെണ്ണ എന്നിവയാണ് സബ്സിഡി നിരക്കില് ലഭ്യമാക്കുന്നത്. ഇതുകൂടാതെ നിത്യോപയോഗ സാധനങ്ങളായ ചെറുപയര്പരിപ്പ്, ശര്ക്കര, അച്ചുവല്ലം, കടുക്, ജീരകം, ഉലുവ, പീസ് പരിപ്പ്, ബിരിയാണി അരി എന്നിവയും മാര്ക്കറ്റ് വിലയേക്കാള് കുറവില് ലഭ്യമാക്കും. കൂടാതെ പായസത്തിനാവശ്യമായ വിവിധതരം അടകളും മറ്റ് 17 ഇനങ്ങളും ലഭ്യമാക്കും. ഓണത്തിന് 200 കോടിയില് അധികമുള്ള സാധനങ്ങള് ചന്തകള് വഴി ലഭ്യമാക്കും.
കണ്സ്യൂമര്ഫെഡ് 2,500 ഓണചന്തകള് തുടങ്ങും
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.