കൊച്ചി: അഴിമതിയിലും കെടുകാര്യസ്ഥതയിലും മുങ്ങികുളിച്ച് കണ്സ്യൂമര് ഫെഡ് കടക്കെണിയില്. മൊത്തം നഷ്ടം 418കോടി രൂപ. ഭീമമായ പ്രതിസന്ധിയിലാണ് കണ്സ്യൂമര് ഫെഢിന്നുള്ളതെന്ന് കണക്കുകള് വ്യക്തമാക്കുന്നു.
വിവിധ ബാങ്കുകളില് നിന്നെടുത്ത വായ്പയും, പലിശയും കൂടാതെ സര്ക്കാരില് നിന്നും എന്സിഡിസി എന്നിവയില് നിന്നും എടുത്ത വായ്പയും ഉള്പ്പെടെ 743 കോടി രൂപ തിരിച്ചടക്കേണ്ട സ്ഥിതി വിശേഷവും നിലവിലുണ്ട്.
ഇതിനു പുറമേ ത്രിവേണി സൂപ്പര് മാര്ക്കറ്റുകള്ക്കും, നന്മ സൂപ്പര് മാര്ക്കറ്റുകള്ക്കും സാധനങ്ങള്ക്കും സാധനങ്ങള് വിതരണം ചെയ്ത വകയില് 232.58 കോടി രൂപ കൊടുത്ത് തീര്ക്കേണ്ടതായുണ്ട്.
58 കോടി രൂപ കൊടുത്ത് തീര്ക്കേണ്ടതായുണ്ട്. കഴിഞ്ഞ കാലങ്ങളിലെ സഞ്ചിത നഷ്ടം ഏതാണ്ട് 418 കോടി രൂപ വരുമെന്നും മാനേജിംങ് ഡയറക്ടര് എം.രമാനുണ്ണി പത്രസമ്മേളനത്തില് പറഞ്ഞു.
സംസ്ഥാനത്തുടനീളം ആരഭിച്ചിട്ടുള്ള 750 നന്മ സ്റ്റോറുകളില് 500 എണ്ണം ഉടന് നിര്ത്തും. 750 ലേറെ വരുന്ന നന്മ സ്റ്റോറുകള് എല്ലാം തന്നെ നഷ്ടത്തിലാണ്.
മാസം 5000 രൂപയില് കൂടുതല് വ്യാപാരം നടക്കുന്ന ഒരു സ്റ്റോറും ഇല്ല. തദ്ദേശ സ്വയം ഭരണ സ്ഥാപനങ്ങളോ, സഹകരണ സ്ഥാപനങ്ങളോ നന്മ സ്റ്റോറുകള് ഏറ്റെടുത്ത് നടത്താന് താല്പ്പര്യം പ്രകടിപ്പിച്ചാല് അതിനുള്ള അവസരം ഒരുക്കുമെന്ന് മാനേജിംങ് ഡയറക്ടര് പറഞ്ഞു.
നിലവില് 60 ഓളം സ്റ്റോറുകള് ഇത്തരത്തില് ഏറ്റെടുക്കാന് ധാരണയായിട്ടുണ്ട്. 500 രൂപയില് താഴെ മാത്രം വ്യാപാരം നടക്കുന്ന നന്മ സ്റ്റോറുകളില് പോലും രണ്ടും മൂന്നും ജീവനക്കാരെ ദിവസവേതനാടിസ്ഥാനത്തില് നിയോഗിച്ചിട്ടുണ്ട്. ഇവരുടെ ശമ്പളം, വൈദ്യുതി ബില്, യാത്രാപ്പടി എന്നീ ഇനങ്ങളില് പ്രതിമാസം 17000 രൂപക്കും 20,000 രൂപക്കും ഇടയില് ചിലവ് വരുന്നുണ്ടെന്നും അദ്ദേഹം വ്യക്തമാക്കി.
വാങ്ങിക്കൂട്ടിയ സാധനങ്ങള് വില്ക്കാതെ കേടുപാടുകള് സംഭവിച്ച് വിവിധ ഗോഡൗണുകളിലായി അഞ്ച് കോടിയിലധികം രൂപയുടെ സാധനങ്ങള് കെട്ടിക്കിടക്കുകയാണ്.
സര്ക്കാര് ഉത്തരവുകളിലൂടെയല്ലാതെ അനാവശ്യമായി ജീവനക്കാരെ നിയോഗിച്ചതും കടുത്ത സാമ്പത്തിക ബാധ്യതയാണ് വരുത്തിവച്ചുകൊണ്ടിരിക്കുന്നത്. മൊബൈല് ത്രിവേണി വാഹനങ്ങള് വാങ്ങിക്കൂട്ടിയതിലും ധൂര്ത്ത് പ്രകടമാണ്.
ഇതില് 140 ല് 60 എണ്ണവും കട്ടപ്പുറത്താണ്. കട്ടപ്പുറത്തായ വാഹനങ്ങള് ലേലത്തില് വില്ക്കും. ഒഴുകുന്ന മാവേലി സ്റ്റോറുകളും നഷ്ടത്തിലാണ്. ചിലത് മുങ്ങി നാശത്തിന്റെ വക്കിലാണ്.
60 ലക്ഷത്തിലധികം തുക ഗോഡൗണുകളുടെ വാടകയിനത്തില് പ്രതിമാസം നല്കേണ്ടിവരുന്നുണ്ടെന്നും അദ്ദേഹം കൂട്ടിച്ചേര്ത്തു.
