കോഴിക്കോട്: ദേശസ്നേഹം അടിച്ചേല്പ്പിക്കപ്പെടേണ്ടതല്ലെന്നും നമ്മുടെ മനസ്സുകളില് നിന്നും സ്വയം ഉയര്ന്നുവരേണ്ടതാണെന്നും കാര്ഗില് യുദ്ധത്തില് വീരമൃത്യുവരിച്ച ക്യാപ്റ്റന് വിക്രമിന്റെ പിതാവ് കേണല് പി.കെ.പി.വി. പണിക്കര് പറഞ്ഞു. അത്താണിക്കല് ശ്രീനാരായണ സെന്ട്രല് സ്കൂള് സംഘടിപ്പിച്ച ക്വിറ്റ് ഇന്ത്യാ ദിനാചരണണവും ധീരജവാന്മാരെ സമാദരിക്കലും ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. രാജ്യത്തിന് വേണ്ടി വീരമൃത്യുവരിച്ചവരുടെ ഓര്മ്മകള് എന്നും പ്രചേദിപ്പിക്കുകയും ആവേശം കൊള്ളിക്കുകയും ചെയ്യുമ്പോഴാണ് നാം യഥാര്ത്ഥ ഇന്ത്യക്കാരാകുന്നത്.
കോഴിക്കോട് എസ്എന് ഡിപി യൂണിയന് പ്രസിഡന്റ് ടി.ഷനൂപ് അധ്യക്ഷത വഹിച്ചു. സംസ്കൃതം പരീക്ഷയില് ഉന്നതവിജയം നേടിയ വിദ്യാര്ത്ഥികള്ക്കുള്ള അശ്വതി ടീച്ചര് മെമ്മോറിയല് എന്ഡോവ്മെന്റ് അവാര്ഡ് വിതരണം കോര്പ്പറേഷന് സ്റ്റാന്റിംഗ്കമ്മിറ്റി ചെയര്പേഴ്സണ് ആശാശശാങ്കന് നിര്വ്വഹിച്ചു. യൂണിയന് സെക്രട്ടറി സി. സുധീഷ്, രാജന് നായര് ചെലവൂര്, വസന്തന്, കെവിദോ, വസന്തന്, ലിനീഷ്കുമാര് എന്നിവര് പ്രസംഗിച്ചു. കേണല് പി.കെ.പി.വി. പണിക്കര്, സുബേദാര് മേജര് വസന്തന്, സുബേദാര് രാജന് നായര്, ലെഫ. കമാന്റന്റ് രാജഗോപാലന്, നായിക് മോഹന്ദാസ്, ഹോണററി ക്യാപ്റ്റന് നാരായണന് വാരിയര്, ഓഫീസര് വിമലേശന്, ഹവില്ദാര് ഗിരീഷ് പി.കെ എന്നിവരെ എസ്എന്ഡിപി യോഗം ഇന്സ്പെക്ടിംഗ് ഓഫീസര് വി.പി. അശോകന് പൊന്നാടയണിയിച്ച് ആദരിച്ചു. തുടര്ന്ന് വിദ്യാര്ത്ഥികളും ധീരജവാന്മാരും തമ്മിലുള്ള മുഖാമുഖവും നടന്നു. പ്രിന്സിപ്പാള് കരുണന് കൊടക്കാട് സ്വാഗതവും വൈസ്പ്രിന്സിപ്പല് സിമി ഡാഡു നന്ദിയും പറഞ്ഞു.
പ്രതികരിക്കാൻ ഇവിടെ എഴുതുക: