മാനദണ്ഡങ്ങള് ലംഘിച്ച് നിര്മ്മാണത്തിലിരിക്കുന്ന പഴയ വൈത്തിരിയില് ബഹു നില കെട്ടിടം
വൈത്തിരി : പഴയ വൈത്തിരിയിലെ അനധികൃത നിര്മ്മാണത്തിനെതിരെ ജനകീയ പ്രക്ഷോഭം സംഘടിപ്പിക്കുമെന്ന് പ്രദേശവാസികള്. കുന്നത്തിടവക വില്ലേജില് പഴയ വൈത്തിരി-ചേരിക്കുന്ന് തോടിനോട് ചേര്ന്നും ദേശീയ പാതയോട് ചേര്ന്നുമുള്ള റീസര്വ്വെ 76/4പിടില്, ബ്ലോക്ക് നമ്പര് 25ല് പ്പെട്ട കുന്നിന്പ്രദേശത്താണ് സ്വകാര്യവ്യക്തി മാനദണ്ഡങ്ങള് പാലി ക്കാതെ ജെസിബി ഉപയോഗിച്ച് ഇടിച്ച്നിരത്തി നിര്മ്മാണം നടത്തുന്നത്.
അതീവ പരിസ്ഥിതി ലോല പ്രദേശത്ത് പതിനേഴ് നില വരുന്ന ബഹുനില കെട്ടിട നിര്മ്മാണത്തിന്ന് ജില്ലാ കലക്ടര് കേശവേന്ദ്രകുമാര് മൂന്നുതവണ അനുമതി നിഷേധിച്ചിരുന്നു. തുടര്ന്ന് സ്ഥലം ഉടമകള് ഹൈകോടതിയെ സമീപിച്ച് ഉത്തരവ് വാങ്ങി അധികൃതരേയും പ്രദേശവാസികളേയും നോക്കുകുത്തികളാക്കി കൊണ്ട് മാനദണ്ഡങ്ങള് ലംഘിച്ച് കെട്ടിടനിര്മ്മാണം നടത്തുകയാണ്. ഭൂപ്രകൃതിയ്ക്ക് അനിയോജ്യമല്ലാത്തതും ജനങ്ങളുടെ സ്വത്തിനും ജീവനും നാടിനും സമ്പത്തിനും ഭീഷണിയാവുന്ന വിധത്തിലുള്ള ഭീമാകരമായ കെട്ടിടനിര്മ്മാണത്തിനെതിരെ ചേരിക്കുന്ന് റസിഡ ന്ഷ്യല് അസോസിയേഷന്റെ നേതൃത്വത്തില് ജില്ലാകലക്ടര്ക്ക് പരാതി നല്കി. അസോസിയേഷന്റെ നേതൃത്വത്തില് ജനകീയപഷോഭ പരിപാടികള് സംഘടിപ്പിക്കുന്നതിന്റെ ഭാഗമായി യോഗം ചേര്ന്നു.
യോഗത്തില് റസിഡന്ഷ്യല് അസോസിയേഷന് സെക്രട്ടറി എസ്.സതീഷ്കുമാര് സ്വാഗതം പറഞ്ഞു. പ്രസിഡണ്ട് എം.കെ.പെരച്ചൂട്ടി അദ്ധ്യക്ഷത വഹിച്ചു. ഏഴാംവാര്ഡ് മെമ്പറും അംഗവുമായ സി.വി.മണികണ്ഠന്, എക്സികുട്ടീവ് അംഗങ്ങളായ എം.അബ്ദുള് റഹീം, കെ.പി. മുഹമ്മദ് റാഫി, സി.വി.സുന്ദരന്, പത്മിനി, ഷാഹിദ, സീനത്ത്, അംബുജാക്ഷി എന്നിവര് സംസാരിച്ചു.
