മുംബൈ: റായ്ഗഡിലെ പാലം തകര്ന്നത് അംബേദ്കറുടെ നേതൃത്വത്തില് സത്യാഗ്രഹം നടന്ന മഹദില്. തൊട്ടുകൂടായ്മകള് നിലനിന്നിരുന്ന കാലത്ത് ദളിതര്ക്ക് പൊതുജല സംഭരണികളില് നിന്നും കുടിവെള്ളമെടുക്കാനുള്ള സ്വാതന്ത്ര്യമുണ്ടായിരുന്നില്ല.
ഇതിനെതിരെ 1927 മാര്ച്ച് 20ന് ഭരണഘടനാശില്പ്പി ബി. ആര്. അംബേദ്കറുടെ നേതൃത്വത്തില് സത്യാഗ്രഹം നടത്തിയാണ് ദളിതര്ക്കുള്ള അവകാശം നേടിയെടുത്തത്.
ഭാരതത്തിലെ വര്ണ്ണവ്യവസ്ഥ ഇല്ലാതാക്കി എല്ലാവര്ക്കും തുല്യ അവകാശം നല്കാന് ബോംബെ നിയമസഭ നിയമം കൊണ്ടുവന്നിരുന്നെങ്കിലും അത് മഹദില് നടപ്പായില്ല.
ഉന്നതജാതിക്കാരുടെ പ്രതിഷേധം മൂലമാണ് മഹദില് മാത്രം നിയമം പ്രാബല്യത്തില് വരാതിരുന്നത്. ഇതിനെതിരെ അംബേദ്കറുടെ നേതൃത്വത്തില് ആയിരകണക്കിന് ദളിതര് മഹദിലെ ചൗതര് തടാകത്തിലേക്ക് പ്രകടനം നടത്തി അവിടെ നിന്നും ജലംകുടിക്കുകയും ചെയ്തു.
ഇതിന് പത്തുവര്ഷങ്ങള്ക്ക് ശേഷം മഹാരാഷ്ട്ര കോടതി ഉത്തരവിലൂടെയാണ് മഹദിലെ ദളിതര്ക്ക് ശുദ്ധജലം ഉപയോഗിക്കാനുള്ള അവകാശം ലഭിച്ചത്
