ഗാന്ധി വധം അന്വേഷിക്കാന് നിയമിച്ച കപൂര് കമ്മീഷന് തലനാരിഴ കീറി പരിശോധിച്ചിട്ടും ആര്എസ്എസിന് അതില് പങ്കുള്ളതായി തെളിഞ്ഞില്ല. എന്നാലും ഇന്നും സൗകര്യപൂര്വം കോണ്ഗ്രസ്, കമ്യൂണിസ്റ്റ് കക്ഷികള് ജനങ്ങളെ തെറ്റിദ്ധരിപ്പിക്കാന് ഗാന്ധിജിയെ വധിച്ചത് ഒരു ഹിന്ദുവാണ് എന്നുള്ളതിന്റെ പേരില് മാത്രം ആര്എസ്എസിനെയും ഹിന്ദുത്വ സംഘടനകളേയും ചില ഗൂഢലക്ഷ്യത്തോടെ പഴിപറഞ്ഞുകൊണ്ടിരിക്കുന്നു.
എന്നാല് രാമചന്ദ്രന്റെ ‘ഗാന്ധി വധം: ആശയം റഷ്യയില് നിന്ന്’എന്ന ലേഖനം ( ജന്മഭൂമി, ജൂലൈ 30) ഗാന്ധിജിയെ കൊന്നത് ആര്എസ്എസാണെന്ന് അന്ധകൂപത്തില് കിടന്ന് വിളിച്ചുകൂവുന്നവരുടെ കണ്ണുതുറപ്പിക്കാന് സഹായകമാണ്. ഗാന്ധി വധത്തിനുള്ള ആശയവും ആ ആശയം നടപ്പാക്കേണ്ട വഴികളുമെല്ലാം ഗോഡ്സേക്ക് ലഭിച്ചത് റഷ്യന് തീവ്രവാദികളില് നിന്നാണെന്നും ആ വിവരം വിചാരണ വേളയില് വെളിവായതാണെന്നുമുള്ള ലേഖകന്റെ പ്രസ്താവം, ഗാന്ധി വധത്തില് ആര്എസ്എസിനെ ക്രൂശിച്ചുക്കൊണ്ടിരിക്കുന്ന തല്പരകക്ഷികളുടെ ഹൈന്ദവ സംഘടനകളോടുള്ള വെറുപ്പിന്റെ മഞ്ഞക്കണ്ണട തട്ടിത്തെറിപ്പിച്ചു കളയാന് പര്യാപ്തമാണ്.
ലെനിനും സ്റ്റാലിനും മാവോയും പോള്പോട്ടും തുടങ്ങി നിരവധി കമ്മ്യൂണിസ്റ്റുകാര് ഉന്മൂലനസിദ്ധാന്തത്തില് ഉറച്ചുനിന്ന് ലക്ഷക്കണക്കിന് നിരപരാധികളെ കൊന്നൊടുക്കുവാനുള്ള പ്രേരണ ഉള്ക്കൊണ്ടിട്ടുള്ളത് കമ്മ്യൂണിസ്റ്റ് തീവ്രവാദിയായ ബോറിസ് സാവിന്കോവില് നിന്നു തന്നെയായിരിക്കണം. ഇന്ന് സിപിഎം കേരളത്തിനകത്ത് നടത്തിക്കൊണ്ടിരിക്കുന്ന അക്രമവും കൊലപാതകവും എല്ലാം സാവിന്കോവിന്റെ പ്രേതബാധയാല് തന്നെ.
ആര്. ഗോപാലകൃഷ്ണന് നായര്
ഏറ്റുമാനൂര്
