കര്‍ക്കിടകവാവ്: ബലിതര്‍പ്പണത്തിന് ഒരുക്കങ്ങളായി

കോഴിക്കോട്: കര്‍ക്കിടക വാവുബലിക്ക് ബലിതര്‍പ്പണ കേന്ദ്രങ്ങളില്‍ വിപുലമായ ഒരുക്കങ്ങള്‍. ഹിന്ദുഐക്യവേദിയുടെ ആഭിമുഖ്യത്തില്‍ കോഴിക്കോട് കടപ്പുറത്ത് കര്‍ക്കിടകവാവ് ബലിതര്‍പ്പണത്തിനുള്ള സൗകര്യം ഉണ്ടായിരിക്കും. ഇന്ന് വൈകീട്ട് 5 മണി മുതല്‍ രണ്ടിന് രാവിലെ 10 മണിവരെയാണ് ബലിതര്‍പ്പണത്തിനുള്ള സൗകര്യം ഉണ്ടായിരിക്കുക. കൂടുതല്‍ വിവരങ്ങള്‍ക്ക് 9947392909, 9645467480, 7736 666466 എന്നീ നമ്പറുകളില്‍ ബന്ധപ്പെടാം.

വെള്ളയില്‍ തൊടിയില്‍ ശ്രീഭഗവതി ക്ഷേത്രത്തിന്റെ ആഭിമുഖ്യത്തില്‍, കര്‍ക്കിടക വാവ് ബലിതര്‍പ്പണവും, തിലഹോമവും ഇന്ന് വൈകിട്ട് 6 മണി മുതല്‍ രണ്ടിന് രാവിലെ 10 മണി വരെ ക്ഷേത്രത്തിന്റെ മുമ്പിലുള്ള കടല്‍ തീരത്ത് വെച്ച് നടക്കും.

കോഴിക്കോട് ശ്രേഷ്ഠാചാരസഭയുടെ മുഖ്യ കാര്‍മ്മികത്വത്തിലാണ് ബലിതര്‍പ്പണം. സ്ത്രീകള്‍ക്ക് പ്രത്യേക സൗകര്യം ഉണ്ടായിരിക്കും. ബലിതര്‍പ്പണത്തിനുള്ള പൂജാസാധനങ്ങള്‍ കൗണ്ടറില്‍ ലഭിക്കും.

കാരന്തൂര്‍ ശ്രീഹരഹരമഹാദേവ ക്ഷേത്രത്തില്‍ കര്‍ക്കിടക വാവുബലി നാളെ പുലര്‍ച്ചെ 3 മണി മുതല്‍ ആരംഭിക്കും. ബലിതര്‍പ്പണത്തിനായി ക്ഷേത്രക്കടവില്‍ വിപുലമായ സൗകര്യങ്ങള്‍ ഒരുക്കിയിട്ടുണ്ട്. ഫോണ്‍: 9447121396, 0495 2803396.

ശ്രീകണ്‌ഠേശ്വര ക്ഷേത്രയോഗത്തിന്റെ ആഭിമുഖ്യത്തില്‍ കര്‍ക്കിടകവാവ് ബലിതര്‍പ്പണം വരക്കല്‍ കടപ്പുറത്ത് ഇന്ന് വൈകിട്ട് 5 മണി മുതല്‍ നാളെ രാവിലെ 10 മണി വരെയും ശ്രീനാരായണ സെന്റിനറി ഹാളില്‍ ആഗസ്റ്റ് നാളെ പുലര്‍ച്ചെ 4 മണി മുതല്‍ 10 മണി വരെയും നടത്തും. മേല്‍ശാന്തി കെ.വി. ഷിബുശാന്തിയും മറ്റു ക്ഷേത്രം ശാന്തിമാരും ബലികര്‍മ്മത്തിന് നേതൃത്വം നല്‍കും. വിശദവിവരങ്ങള്‍ക്ക് ബന്ധപ്പെടുക ഫോണ്‍: 9388043999, 0495 2722681, 9847446699.

ഫറോക്ക് നല്ലൂര്‍ ശിവക്ഷേത്രത്തില്‍ നാളെ പുലര്‍ച്ചെ നാല് മുതല്‍ ബാലകുമാറിന്റെ നേതൃത്വത്തില്‍ വാവുബലി നടക്കും.

കടലുണ്ടി: കടലുണ്ടി വാക്കടവ് കടപ്പുറത്തും ബലിതര്‍പ്പണത്തിന് ഒരുക്കങ്ങള്‍ പൂര്‍ത്തിയായി. നൂറുകണക്കിന് ഭക്തര്‍ക്ക് ഒരേ സമയം ബലിതര്‍പ്പണം നടത്തുന്നതിനുള്ള സൗകര്യമാണ് ഒരുക്കിയിരിക്കുന്നത്. ആചാര്യന്‍ ഡോ. ശ്രീനാഥ് നന്മണ്ടയുടെ മുഖ്യ കാര്‍മ്മികത്വത്തിലാണ് ബലിതര്‍പ്പണം നടക്കുക.

ബലിതര്‍പ്പണം നടത്തുന്ന എല്ലാ ഭക്തരും ഒന്നിന് ഒരിക്കലെടുത്ത് രണ്ടിന് പുലര്‍ച്ചെ 4 മണി മുതല്‍ ആരംഭിക്കുന്ന ബലിതര്‍പ്പണത്തിന് പങ്കെടുക്കാന്‍ എത്തിച്ചേരണമെന്ന് കടലുണ്ടി വാവുബലി തര്‍പ്പണ സമിതി ചെയര്‍മാന്‍ നമ്പയില്‍ ദാസനും, ജനറല്‍ കണ്‍വീനര്‍ വിനോദ്കുമാര്‍ പിന്‍പുറത്തും അറിയിച്ചു. കൂടുതല്‍ വിവരങ്ങള്‍ക്ക് 9895166899, 9895117970.

കൊയിലാണ്ടി: കര്‍ക്കിടക വാവുബലിക്ക് കൊയിലാണ്ടിയിലെ ക്ഷേത്രങ്ങള്‍ ഒരുങ്ങി. കണയങ്കോട് കുട്ടോത്ത് ശ്രീസത്യനാരായണ ക്ഷേത്രത്തില്‍ രണ്ടിന് പുലര്‍ച്ചെ 2 മണി മുതല്‍ വാവ് ബലി ആരംഭിക്കും. സുഖലാലന്‍ ശാന്തി മുഖ്യകാര്‍മ്മികത്വം വഹിക്കും. പൂജാദ്രവ്യങ്ങള്‍ ക്ഷേത്ര കൗണ്ടറില്‍ നിന്നും ലഭിക്കും. സൗജന്യ താമസ സൗകര്യം, വാഹന പാര്‍ക്കിംഗ് സൈകര്യം, ലഘു പ്രഭാത ഭക്ഷണം എന്നിവ ഒരുക്കിയിട്ടുണ്ട്.

കൊയിലാണ്ടി വിരുന്നുകണ്ടി ക്ഷേത്രം, ഉപ്പാലക്കണ്ടി ക്ഷേത്രം, പൊയില്‍ ക്കാവ് ദേവീ ക്ഷേത്രം എന്ന ക്ഷേത്രങ്ങളുടെ കീഴില്‍ കടപ്പുറത്ത് വാവ്ബലിക്ക് വേണ്ട ഒരുക്കങ്ങളായിട്ടുണ്ട്.

ചക്കിട്ടപാറ: അഗസ്ത്യമല ശ്രീ ഉമാമഹേശ്വര ക്ഷേത്രത്തില്‍ കര്‍ക്കിടക വാവുബലിക്ക് ഒരുക്കങ്ങള്‍ പൂര്‍ത്തിയായി. ക്ഷേത്രത്തിന് സമീപത്തു കൂടി ഒഴുകുന്ന അഗസ്ത്യ തീര്‍ത്ഥത്തിലാണ് ബലിതര്‍പ്പണം നടക്കുന്നത്. ഇതോടനുബന്ധിച്ച് പിതൃക്കള്‍ക്ക് പ്രത്യേക ഹോമവും പൂജയും നടക്കും. തിലഹോമം, സായൂജ്യ ഹോമം, സുകൃത ഹോമം, എന്നിവയും നടക്കും. മേല്‍ശാന്തി പത്മനാഭന്‍ പി.കടിയങ്ങാട്, എന്‍.ടി ലെവിന്‍ എന്നിവര്‍ നേതൃത്വം നല്‍കുന്നു ക്ഷേത്രത്തില്‍എത്തുന്ന ഭക്തര്‍ക്ക് എല്ലാ സൗകര്യങ്ങളും ഒരുക്കിയതായി ക്ഷേത്ര കമ്മിറ്റി ഭാരവാഹികള്‍ അറിയിച്ചു.